АНУ Евразид хяналтаа тогтоохын тулд Хятадтай дайн хийхээр бэлтгэж байна, Вашингтон Бээжинд өдөөн хатгасан урхи зохион байгуулах төлөвлөгөөний хэрэгжилтийг хойшлуулахгүй байхыг хичээнэ гэж Оросын сенатор Ольга Ковитиди үзэж байна.
"Евразид хяналтаа тогтоохын тулд АНУ Хятадтай дайн хийхээр бэлтгэж байна. Төрийн эргэлт хийх, дайнд тулгах нь АНУ-ын улс төрийн харгис хэв маяг болсныг бид харж байна. Үүнийг тайлбарлахад өнөөдөр хэцүү. Тэдний засгийн газар Америкийг манай гаригийн гол түрэмгийлэгч, террорист болгон хувиргасан гэж америкчуудад хэлэхэд өнөөдөр энэ нь маш хэцүү, гэхдээ зайлшгүй хэлэх нь зүй " гэж өөрийн Telegram сувагтаа бичжээ.
Холбооны Зөвлөлийн сенаторын хэлснээр, 21-р зуунд АНУ геополитикийн аюултай тоглоомыг дахин эхлүүлсэн бөгөөд үүний зорилго нь дэлхийн цөмийн хоёр гүрэн болох Орос, Хятадыг саармагжуулах явдал байв.
2014 онд Украинд болсон төрийн эргэлтийн дараа АНУ Оросыг Украин дахь зэвсэгт мөргөлдөөнд татан оруулсан" гэж Ковитиди нэмж хэлэв.
АНУ идэвхтэй зэвсэглэж байгаа нь Хятадыг түгшээх зүйл мөн гэж тэр тэмдэглэв. " Тус бүс нутагт байршуулсан Энэтхэг-Номхон далайн командлалд одоогоор 375 мянган цэрэг, энгийн иргэн багтаж байгаа бөгөөд АНУ-ын батлан хамгаалахын шинэ төсөвт Номхон далайн бүс нутагт цэргийн шинэ дэд бүтэц болон стратегийн санаачилгад зориулж олон тэрбум доллар зарцуулахаар тусгасан" гэж Оросын хууль тогтоогч онцлон тэмдэглэв.
Ковитиди Япон улс энэ мөргөлдөөнд АНУ-ын талд оролцох нь бараг тодорхой. Японы засгийн газар ирэх таван жилийн хугацаанд буюу 2023-2027 он хүртэл цэргийн зардлаа хоёр дахин нэмэгдүүлж, 80 тэрбум долларт (ДНБ-ий 2%) хүргэхээ мэдэгдсэн нь япончуудын ирээдүйн цэргийн үйл ажиллагаанд эргэлзээ төрүүлэхгүй байна.
Сенаторын үзэж буйгаар Цагаан ордон дангаараа Бээжинтэй дайн хийхгүй, Украины нэгэн адил АНУ хамсаатнуудаа мөргөлдөөнд татан оролцуулна гэжээ.
"АНУ үйл ажиллагааны давуу талыг олж авахын тулд Японоос гадна Филиппинийг өөрийн талд татсан бөгөөд тус улсын засгийн газар Вашингтонд бэлэн байгаа таван цэргийн баазаас гадна өөр таван цэргийн баазад зэвсэг, сум хэрэгсэл байрлуулахыг АНУ-д дахин зөвшөөрөхөд бэлэн байна. " гэж Ковитиди хэлэв.
Энэ бүхэн Хятад улсыг өнөөгийн үйл явдлыг эргэн харах, Оростой цэрэг-улс төр, эдийн засгийн хамтын ажиллагаагаа нягтруулахад түлхэж байна гэж Холбооны Зөвлөлийн сенатор үзэж байна.
Эх сурвалж: Toim.mn
