Иргэн өөрийн оршин суугаа газрын хаягийн бүртгэлээ https://burtgel.gov.mn/ цахим хуудсаар шалгах боломжтой болсныг УБЕГ-аас мэдээлэв.
Оршин суугаа газрын хаяг зөрүүтэй тохиолдолд мэдээлэх боломжтой бөгөөд зөрүүтэй гэж мэдэгдсэн тохиолдолд тус байгууллагаас мэдээллийг нягтлан шалгаж, хариу мэдэгдэх юм байна.
Хэрэв шилжилт хөдөлгөөний бүртгэлд бүртгүүлэх бол байнга оршин суух газрынхаа /сум, хороо/ улсын бүртгэгчид өөрийн биеэр, улсын бүртгэлийн үйлчилгээний цахим машин болон E-Mongolia хуудаст хандана гэв.
Иргэн байнга оршин суухаар бүртгүүлсэн хаягийн мэдээлэл бүхий иргэний улсын бүртгэлийн мэдээллийн сан нь Хүн ам, өрхийн мэдээллийн сан /ХАӨМС/-гаас тусдаа сан учир хүн ам, өрхийн мэдээллийн сан /ХАӨМС/-гийн мэдээлэлтэй холбоотой асуудлаар баг, хорооны Засаг даргад хандахыг УБЕГ-аас зөвлөлөө.
