ОХУ-ын Тувагийн Бүгд Найрамдах Улсын тэргүүн Владислав Ховалыг өөрийн төлөөлөгчдийг Украины Донецк муж руу илгээсэн тухай эх сурвалжууд мэдээлжээ.
Тувагийн төлөөлөгчид Украины фронтод дайчлагдсан иргэдийнхээ гомдлын мөрөөр нөхцөл байдалтай газар дээр нь танилцах зорилготой юм байна.
Хоёрдугаар сарын 6-нд Телеграмм сүлжээнд Тувагийн хэсэг цэрэг видео мэдэгдэл нийтэлж байв. Тэд Донецкийн бүс нутагт маш хэцүү нөхцөлд байгаа, үндэс угсаагаар ялгаварлах, дээрэлхэх дэглэх үзэгдэл түгээмэл байгааг гомдоллон ярьж байжээ.
Новосибирск мужид хоол унд, зэр зэвсэг муутай хүнд нөхцөлд бэлтгэл хангасан тувачуудыг өнгөрсөн оны сүүлээр салан тусгаарлагчдын хяналтад байгаа Донецкийн нутагт эргүүлийн үүрэг гүйцэтгүүлэхээр шилжүүлж байсан гэнэ.
Гэвч салан тусгаарлагчид тэднийг зэрлэгээр зодож, дэглэж, фронтын тэргүүн шугам руу явахыг шаарддаг тухай видео мэдэгдэлдээ тэд ярьсан байна.
“Бидэнтэй Оросын Холбооны Улсын армийн цэргүүд биш юм шиг харьцаж байна” гэж нэг тува эр ярьжээ.
Ховалыг бичлэгийг үзсэнийхээ дараа үүнийг “дайчлагдсан хүмүүсийг гутаан доромжилсон ноцтой хэрэг” гэж тодорхойлоод Донецкийн салан тусгаарлагчдын тэргүүн Виталий Хоценкотой утсаар ярьснаа мэдээлж байв.
Дараа нь тэр өөрийн засгийн газрын төлөөлөгчдийг Донецк руу илгээхээр болжээ.
Тувагийн тэргүүн асан Шолбан Кара-Оол бас цэргүүдийнхээ мэдэгдлийг үзээд Сибирийн бүс нутагт хийж байсан бизнес аяллаа зогсоож, нутаг нэгтнүүдийнхээ нөхцөл байдалтай хувиараа танилцахаар Донецк руу яаралтай ниссэн байна.
Эх сурвалж: Radio Free Europe
