Хөгжлийн Банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны Нотлох баримтыг шинжлэн судлах хоёр дахь шатны сонсгол өнөөдөр Төрийн ордонд үргэлжилж байна.
УУХҮЯ-ны "Сайншанд аж үйлдвэрийн цогцолбор" ТӨХХК-тай холбогдуулан нийт 15 гэрчийг дуудсан байна. Гэрчүүдийн дунд Ерөнхийлөгч асан Х.Баттулга хүрэлцэн иржээ.
Тэрбээр өмнөх сонсголд дуудагдсан ч "Намын дотоод сонгуулийн ажилтай. АТГ-т гэрчээр байцаагдаж, мөрдөн байцаалтын нууц задруулахгүй байх баталгаа гаргасан тул оролцох боломжгүй" гэх шалтгаанаар ирээгүй билээ.
Түүнчлэн өнөөдрийн сонсголд УИХ-ын гишүүн асан С.Эрдэнэ оролцож байна.
