Хоёрдугаар сарын 6-ны шөнө Туркт 7.8 магнитудын хүчтэй газар хөдлөлт болсон. Газар хөдлөлтийн төв Газиантеп хотоос 30 км-ийн зайд байжээ. Аймшигт цохилт Сирийн нутаг дэвсгэрт ч тусч, Алеппо, Латакиа, Хама хотод 170 гаруй барилга нурсан байна. Энэ газар хөдлөлт Ливан, Ирак, Гүрж, Израиль зэрэг улсад ч мэдрэгджээ.
Сүүлийн 100 жилд хамгийн том газар хөдлөлт болсон газруудыг доорхи инфографикаас үзнэ үү.
Газар хөдлөлт судлаачдын үзэж байгаагаар сүүлийн 100 жилийн хугацаанд дэлхийн царцдасын асар олон тооны хэлбэлзэл бүртгэгдсэн байна. Хохирогчдын тоогоор 20-21-р зууны хамгийн том газар хөдлөлт бол 1976 онд Хятадад болсон 7.9 магнитудын хүчтэй газар хөдлөлт гэж тооцогддог. Газар хөдлөлтийн улмаас Таншань хотын барилгуудын 90 хувь нь тэр дороо сүйрчээ. Аймшигт газар хөдлөлтөөс хойш хоёр жилийн дараа 250,000 хүн нас барсныг албан ёсоор зарласан (Албан бус эх сурвалжийн мэдээллээр 655,237 хүн нас барсан гэдэг.
Мөөн Карибын тэнгисийн бүс нутагт хамгийн их сүйрэл дагуулсан газар хөдлөлт нь Гаитид болсон. 2010 онд болсон энэ гамшгийн улмаас 230 мянга гаруй хүний амь нас хохирч, 100 мянга орчим барилга байгууламж нурж, 1.3 сая орчим оршин суугчид орон гэргүй болжээ. 2004 онд Индонезид болсон газар хөдлөлт, цунамигийн улмаас 227,898 хүн амиа алдаж, Өмнөд болон Зүүн Өмнөд Ази, Зүүн Африкийн 14 орны оршин суугчид цунамийн золиос болж байв.
Хүн төрөлхтний түүхэн дэх хамгийн хүчтэй газар хөдлөлт бол 1960 оны Чилийн газар хөдлөлт юм. Газар хөдлөлт 200 мянган хавтгай дөрвөлжин километр талбайд мэдрэгдсэн. Чилийн эрэгт болсон 10 орчим метрийн өндөртэй давалгаа бүхий цунами болон дараалсан чичирхийллийн улмаас 6 мянга орчим хүн нас барж, 100 мянган хүн орон гэргүй болжээ.
/Эх сурвалж: Toim.mn/