Хиндү шашныг дээдлэгч Энэтхэгийн засгийн газар өнгөрсөн долоо хоногт Валентины баярыг “Үхэр тэврэх өдөр” болгон өөрчлөх уриалга гаргаад иргэдийнхээ элэг доог болж байв.
Лхагва гарагт гаргасан мэдэгдэлдээ Энэтхэгийн засгийн газрын амьтан хамгаалах үүрэгтэй агентлаг үхэр тэвэрснээр уламжлалт ёс уламжлалаа дээдэлж, хайр, аз жаргалыг мэдрэх, бусдад түгээх ач холбогдолтойг тайлбарласан байжээ.
Энэтхэгийн хүн амын 80 орчим хувь нь шүтдэг хиндү шашинд үхрийг “ариун амьтан” гэж дээдэлдэг.
Сүүлийн жилүүдэд хиндү шашны радикал үзэлтнүүд харийн шашны баяр болох Валентины өдрийг хориглохыг шаардсан ажиллагаа явуулах нь нэмэгдсэн. Мөн үхэртэй зүй бус харьцсан хүмүүсийн амь насанд халдах, үхрийн фермтэй муслим иргэдийг айлган сүрдүүлэх явдал нэмэгдсэн гэх баримт бий.
2014 оноос хойш төрийн эрхийг барьж буй ерөнхий сайд Нарендра Модигийн тэргүүлдэг эрх баригч нам хиндү шашныг бусдаас дээгүүр тавих бодлого баримталдаг нь үүнийг өөгшүүлэх болсон гэдэг.
“Үхэр тэврэх өдөр” уриалга гарсныхаа дараа Энэтхэгийн онлайн орчинд маш их маргаан, шүүмж, доог тохуурхал дагуулах болсон юм.
Баасан гарагт эрх баригчид энэхүү уриалгаа цуцалж байгааг ямар нэг тайлбаргүйгээр мэдэгджээ.
When nobody hugs you on Cow Hug Day. pic.twitter.com/tYLWQ11Grt
— Advaid അദ്വൈത് (@Advaidism) February 8, 2023
Эх сурвалж: Business Insider
