Украины дайны фронт дээр байлдаж буй Оросын цэргийн алба хаагчид гардан тулаанд хүрзээр зэвсэглэн орж байж болзошгүй тухай Их Британийн батлан хамгаалах яам мэдээлжээ.
Тус яам Украины дайны нөхцөл байдлын талаар тагнуулын албаныхаа гаргасан тайланг тогтмол танилцуулдаг бөгөөд Ням гарагт нийтэлсэн ээлжит тайландаа энэ тухай өгүүлсэн байна.
Latest Defence Intelligence update on the situation in Ukraine - 5 March 2023
— Ministry of Defence 🇬🇧 (@DefenceHQ) March 5, 2023
Find out more about Defence Intelligence: https://t.co/1rgcwN71nQ pic.twitter.com/aoDmbCIQ6v
МПЛ-50 гэж албан ёсоор нэрлэдэг нуувч ухах зориулалттай жижиг хүрзний загвар анх 1869 онд бүтээгдсэнээсээ хойш төдийлөн өөрчлөгдөөгүйг уг тайланд дурджээ.
Хоёрдугаар сарын сүүлээр Украины армийн байрлал руу ямар ч хүнд зэвсгийн дэмжлэггүй, зөвхөн гар зэвсэг, хүрз хэрэглэн довтлох тушаал авснаа нэг алба хаагч ярьсан баримтыг Британийн тагнуулын алба тайландаа оруулсан байна.
“Сүүлийн үед олж авсан баримтууд Украины фронтод ойрын зайн байлдааны ажиллагаа нэмэгдэж байгааг харуулж байна. Энэ нь Оросын зэвсэгт хүчин сумны хомсдолд орж, их бууны галын дэмжлэгээ багасгаснаас ихэвчлэн явган цэргүүдийн довтолгоогоор байлдааны ажиллагаагаа үргэлжлүүлэх шаардлагатай болсонтой холбоотой байж болзошгүй юм” гэж дээрх тайланд өгүүлжээ.
Эх сурвалж: BBC