fbpx Ши, Путин нар хоёр улсын худалдааны хэмжээг 2030 он хүртэл эрс өсгөхөөр тохиролцов
 
Энэ мэдээ хуучирсан буюу 2023/03/22-нд нийтлэгдсэн мэдээ болно.
Ангилал
Дэлхий дахинд Шуурхай онцлов
Огноо
Унших
5 минут 21 секунд

Ши, Путин нар хоёр улсын худалдааны хэмжээг 2030 он хүртэл эрс өсгөхөөр тохиролцов

БНХАУ-ын төрийн тэргүүний ОХУ-ын нийслэл Москва хотод хийсэн гурван өдрийн айлчлал өнөөдөр өндөрлөж байна.

Мягмар гарагт Ши Жиньпин, Владимир Путин нар хоёр улсын аюулгүй байдал, эдийн засгийн хамтын ажиллагааны асуудлаар хэлэлцэж, эцэст нь 2030 он хүртэл хамтын ажиллагаагаа эрчимжүүлэх тохиролцоонд хүрсэн юм.

Мөн Хятадын юанийг олон улсын валют болгох, Украины хямралыг энхийн замаар зохицуулахад хамтран ажиллахаар болсноо зарлажээ.

Талууд электрон худалдаа, нэгдсэн ложистикийн системийг хамтран хөгжүүлэх, банк санхүү, эрчим хүч, технологи, аж үйлдвэр, хүнсний аюулгүй байдлын салбарт ажиллахаар болсныг хамтарсан мэдэгдэлд онцолсон байна.

Бас 4,300 км үргэлжилдэг хил залгаа бүс нутгийн хамтын ажиллагааг эрчимжүүлэхээр тохиролцжээ. Өмнө нь Оросын тал хүн ам сийрэг суудаг Сибирийн бүс нутагт Хятадын нөлөө нэмэгдэхээс болгоомжилж, хил орчмын бүс нутгийн хамтын ажиллагаанд хойрго ханддаг байсан юм.

Хоёр улсын худалдаа эргэлт 2022 онд 34.3 хувиар өсөж $189.5 тэрбумд хүрсэн нь түүхэн дээд хэмжээ болжээ. Тэгвэл Хятад, Оросын удирдагчид 2024 онд энэ хэмжээг $200 тэрбумд хүргэж, цаашдаа 2030 он хүртэл үлэмж хэмжээгээр нэмэгдүүлэхээр тохиролцсон байна.

Украины дайнтай холбоотой Өрнөдийн эдийн засгийн хоригийн улмаас Оросын эдийн засаг Хятад улсаас улам бүр хамааралтай болж байгаа.

Тухайлбал 2023 оны эхний хоёр сарын хугацаанд Оросоос Хятадад гаргасан экспортын хэмжээ өмнөх оны мөн үеэс 20 хувиар өссөн байна.

“Бид Хятадын юанийг Орос болон Ази, Африк, Латин Америкийн орнуудын хоорондын худалдаанд түлхүү ашиглахаар тохиролцлоо” гэж ОХУ-ын ерөнхийлөгч Владимир Путин хэвлэлийн хурлын үеэр хэлжээ.

Хоёр улс олон жилийн өмнөөс Америк долларын нөлөөг дэлхийн зах зээлд сулруулахыг хичээж байгаа. Өнөөдөр хоёр улсын худалдааны гуравны хоёр нь юаниар хэрэгжиж байгааг Путин энэ үеэр мэдэгджээ. Гэхдээ үүний гол шалтгаан нь Өрнөдийн орнуудын хориг арга хэмжээ гэж ажиглагчид үзэж байна.

Тухайлбал 2022 оны эхээр Оросын экспортын төлбөрийн 50 гаруй хувь Америк доллароор гүйцэтгэгдэж байжээ.

Харин өнгөрсөн оны есдүгээр сард энэ хэмжээ 35 хувь болж буурсан байна. Хятадын эрх баригчид юанийг дэлхийн хэмжээний валют болгохыг хичээж байгаа ч хаалттай байдал, төрийн хяналт, улс төрийн эрсдэл зэрэг нь үүнд саад болдог.

Олон Улсын Валютын Сангийн гаргасан мэдээллээр бол 2022 оны гуравдугаар улирлын байдлаар дэлхий дахины валютын нөөцийн 60 орчим хувь Америк доллар байжээ. Дараа нь евро 20 хувьтай байсан бол юань ердөө 3 хувь байна.

2030 онд энэ хэмжээ 5-10 хувьд хүрнэ гэж Morgan Stanley 2020 онд тооцоолсон байдаг.

Хятадын засгийн газраас өнгөрсөн сард дэвшүүлсэн Украинд энх тайван тогтоох 12 зүйлтэй саналыг дэмжиж ажиллахаа Путин өчигдөр мэдэгджээ.

“Харамсалтай нь бид нөгөө тал яриа хэлэлцээ хийхэд бэлэн бус байгааг харж байна. Өрнөдийнхөн сүүлчийн Украин хүнийг үлдэх хүртэл Оростой тулалдахаар шийдсэн мэт харагдаж байгаа. Энэ нь нэгэнт үг биш, үйлдэл болоод байна. Хэрвээ үнэхээр тэгж шийдсэн бол Орос улс адилхан арга хэмжээ авах болно. Өрнөдийн холбоотнууд хэдийнээ цөмийн бүрэлдэхүүн хэсэгтэй зэвсгийг ашиглаад эхэлснийг би энд хэлмээр байна” гэж тэр мэдэгдсэн юм.

зураг

Тэрбээр Орос, Хятад улсууд адилхан “ардчилсан, олон туйлт дэлхийн дэг журам” тогтоох зарчимд тулгуурласан тус тусын гадаад бодлогоо хэрэгжүүлэх тухай мэдэгджээ. Хоёр улс батлан хамгаалах салбарт хамтын ажиллагаагаа өргөжүүлэх талаар мэдэгдсэн ч Өрнөдийнхний болгоомжилж, анхааруулж байсан Хятадаас Орост зэр зэвсэг нийлүүлэх асуудал хөндөгдсөнгүй өнгөрлөө.

Өчигдөр Ши Жиньпин ОХУ-ын ерөнхий сайд Михайл Мишустинийг танхимын сайд нарынх нь хамт хүлээж авч уулзахдаа Путинийг энэ онд болох Зам ба Бүс төслийн чуулганд оролцохыг урьснаа хэлсэн байна.

Путин хамгийн сүүлд Украины дайн эхлэхээс гурван долоо хоногийн өмнө 2022 оны хоёрдугаар сард Бээжинд айлчилж байсан юм. Путин, Ши нар өнгөрсөн хугацаанд нийтдээ 40 гаруй удаа уулзжээ.

Ши Жиньпиний айлчлал өнөөдөр өглөө өндөрлөж, нутаг буцах юм.

Эх сурвалж: South China Morning Post

В.Путин Ши Жиньпинийг “Эрхэм нөхөр” хэмээн угтаж авлаа
В.Путин Ши Жиньпинийг “Эрхэм нөхөр” хэмээн угтаж авлаа
 
“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв
“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв

Шинэ мэдээ

“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв

“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв

Сонгуулийн шоу: Багаараа сонгогдоод ямар ч ид шидгүй, хэрсүү байцгаая!

Сонгуулийн шоу: Багаараа сонгогдоод ямар ч ид шидгүй, хэрсүү байцгаая!

МАН жагсаалтаа толгой сайтад биш “бурханы хүү“-д өгчээ

МАН жагсаалтаа толгой сайтад биш “бурханы хүү“-д өгчээ

Л.Оюун-Эрдэнэ: Айх хэрэггүй, тэртэй тэргүй үнэн ялна

Л.Оюун-Эрдэнэ: Айх хэрэггүй, тэртэй тэргүй үнэн ялна

Өмгөөлөгч Г.Жалбуу: Хар тамхины хэрэгт холбогдсон хүмүүсийг сурталчилдаг хэвлэлийг торгох заалтыг зөрчлийн хуульд оруулах ёстой

Өмгөөлөгч Г.Жалбуу: Хар тамхины хэрэгт холбогдсон хүмүүсийг сурталчилдаг хэвлэлийг торгох заалтыг зөрчлийн хуульд оруулах ёстой

Ч.Өнөрбаяр: Хүчингийн хэрэгт гүтгэнэ гэдэг бол эрээ цээргүй асуудал

Ч.Өнөрбаяр: Хүчингийн хэрэгт гүтгэнэ гэдэг бол эрээ цээргүй асуудал

Намын жагсаалтыг нийгмийн бүлгийн төлөөллөөр бүрдүүлэх нь Үндсэн хууль зөрчсөн үйлдэл

Намын жагсаалтыг нийгмийн бүлгийн төлөөллөөр бүрдүүлэх нь Үндсэн хууль зөрчсөн үйлдэл

Ч.Хүрэлбаатар Монгол төрийн сайдын албыг гутаалаа

Ч.Хүрэлбаатар Монгол төрийн сайдын албыг гутаалаа

Сонгуулийн луйврын анхны маргаан “Морьтой Аравт“-ын тойргоос гарлаа

Сонгуулийн луйврын анхны маргаан “Морьтой Аравт“-ын тойргоос гарлаа

Н.Хүрэлбаатар СХД-т хамт дэвшиж буй багийнхныгаа муухай харагдуулж байна

Н.Хүрэлбаатар СХД-т хамт дэвшиж буй багийнхныгаа муухай харагдуулж байна

Дараагийн Месси Монголоос “төрөх” ч юм бил үү?

Дараагийн Месси Монголоос “төрөх” ч юм бил үү?

“Комедиан“ Д.Амартүвшин жийгдэж эмч Т.Цэрэнтогтохыг сонгожээ

“Комедиан“ Д.Амартүвшин жийгдэж эмч Т.Цэрэнтогтохыг сонгожээ

2024 оны УИХ-ын сонгууль: Намуудын сонирхол, сонгогч олны горьдлого...

2024 оны УИХ-ын сонгууль: Намуудын сонирхол, сонгогч олны горьдлого...

Сонгуулийн дараах эдийн засаг ямар байх вэ?

Сонгуулийн дараах эдийн засаг ямар байх вэ?

Баабар: Путины саналаас Хятад яагаад татгалзав?

Баабар: Путины саналаас Хятад яагаад татгалзав?

Л.Оюун-Эрдэнэ: Хоёрхон кэйс ярья

Л.Оюун-Эрдэнэ: Хоёрхон кэйс ярья

Судлаач Ганаа: Залуужуулахын сайн муугийн тухай

Судлаач Ганаа: Залуужуулахын сайн муугийн тухай

Сэтгүүлчийн тэмдэглэл: Өндөрхааны оройгоос

Сэтгүүлчийн тэмдэглэл: Өндөрхааны оройгоос

Х.Нямбаатар: Номингийн Баярсайхан үе үеийн нийслэлийн засаг даргад авлига өгч Хан-Уул дүүрэгт олон газар авсан

Х.Нямбаатар: Номингийн Баярсайхан үе үеийн нийслэлийн засаг даргад авлига өгч Хан-Уул дүүрэгт олон газар авсан

Д.Бат-Эрдэнэ: Хэн нэгний постыг шэйрлэхийн тулд Сонгуулийн ерөнхий хороонд бүртгүүлнэ гэсэн журам хаана ч байхгүй

Д.Бат-Эрдэнэ: Хэн нэгний постыг шэйрлэхийн тулд Сонгуулийн ерөнхий хороонд бүртгүүлнэ гэсэн журам хаана ч байхгүй

Ц.Гантулга: Монгол Улсын гадаад өр 35 тэрбум $, Элон Маскийн урамшуулал 56 тэрбум $

Ц.Гантулга: Монгол Улсын гадаад өр 35 тэрбум $, Элон Маскийн урамшуулал 56 тэрбум $

Буруу тогтолцоо: ХУД УРГААРАА ТӨРИЙН СЭНТИЙД СУУХААР НЭР ДЭВШИЖ БУЙ НӨХДҮҮД

Буруу тогтолцоо: ХУД УРГААРАА ТӨРИЙН СЭНТИЙД СУУХААР НЭР ДЭВШИЖ БУЙ НӨХДҮҮД

Зайсан тойруугийн замын хөдөлгөөнийг маргаашаас хуучин зохицуулалтаар явуулна

Зайсан тойруугийн замын хөдөлгөөнийг маргаашаас хуучин зохицуулалтаар явуулна

Өчигдөр гэр бүлийн хоёр мотоциклтой зорчих үеэр аянгад өртөж, эхнэр нь нас баржээ

Өчигдөр гэр бүлийн хоёр мотоциклтой зорчих үеэр аянгад өртөж, эхнэр нь нас баржээ

ИЗНН-ын дэд дарга М.Нарантуяа: С.Зоригийн хөшөөтэй газрыг 1 тэрбум төгрөгөөр худалдаж авах санал тавьж байна

ИЗНН-ын дэд дарга М.Нарантуяа: С.Зоригийн хөшөөтэй газрыг 1 тэрбум төгрөгөөр худалдаж авах санал тавьж байна

76 гишүүнтэй сүүлчийн парламент

76 гишүүнтэй сүүлчийн парламент

Сурагчаа зодсон багшид хорих шийтгэл оноожээ

Сурагчаа зодсон багшид хорих шийтгэл оноожээ

Д.Баярхүү: Хэтрүүдоржийн ядуурал

Д.Баярхүү: Хэтрүүдоржийн ядуурал

ДЭМБ: H5N2 вирусний халдвараар хүн нас барсан анхны тохиолдол бүртгэгдлээ

ДЭМБ: H5N2 вирусний халдвараар хүн нас барсан анхны тохиолдол бүртгэгдлээ

Намуудын сонгуулийг тэд “найруулна”

Намуудын сонгуулийг тэд “найруулна”

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​