-ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков хэлэхдээ, "өргөн хүрээний дайн" удаан үргэлжлэх болно гэдгийг сануулав.-
"Хэрэв та өргөн хүрээний дайн гэж байгаа бол энэ нь манай эх оронд дайсагнасан улс орнуудтай, түүнчлэн найрсаг бус улс орнуудтай хийж буй сөргөлдөөн юм. Энэ бол тэдний манай улсын эсрэг эхлүүлсэн урт удаан хугацааны эрлийз дайн юм. Тиймээс бидэнд тууштай байдал, өөртөө итгэх итгэл, зорилго, ерөнхийлөгчийн эргэн тойрон хүрээлсэн эв нэгдэл хэрэгтэй" гэж Песков лхагва гарагт хэвлэлийн бага хурал дээр хэлэв.
Песков мөн хэлэхдээ, Орос Украинтай хийсэн дайны зорилгодоо улс төр, дипломат арга замаар хүрэх боломжгүй, зөвхөн цэргийн хүчээр л хүрч чадна.
Өмнөх өдөр нь Британийн "Guardian" сонинд Оросын соёл, улс төрийн элитүүдийн төлөөлөл оролцсон оройн зоогийн үеэр Песков одоогийн үйл явдлууд удаан үргэлжлэх бөгөөд хүнд хэцүү цаг үед бэлэн байх ёстойг анхааруулсан гэж мэдэгджээ.
Түүнчлэн ОХУ-ын Аюулгүйн зөвлөлийн нарийн бичгийн дарга Николай Патрушев лхагва гарагт Орос улс энэ дайны гол зорилго болох Украиныг "цэрэггүйжүүлэх, деазизаци хийх"хүртэл хүртэл тусгай ажиллагаа зогсохгүй гэж мэдэгдэв.
"АНУ болон барууны бусад орнуудаас Украинд үзүүлэх цэргийн тусламж тасралтгүй нэмэгдэж байгаа хэдий ч цэргийн тусгай ажиллагааны зарласан бүх зорилго биелэх нь гарцаагүй. Бид Украиныг цэрэггүйжүүлж, зэвсгээс ангижруулж ОХУ-ын нутаг дэвсгэрийн бүрэн бүтэн байдал болон иргэдийнхээ аюулгүй байдлыг хангах болно." гэж Патрушев Делид болсон Шанхайн хамтын ажиллагааны байгууллагын гишүүн орнуудын уулзалтын үеэр хэлсэн юм.
Эх сурвалж: Toim.mn
