ОХУ Украин улсын нутаг дэвсгэрт цэргээ оруулснаас хойш өдгөө 400 хоногийн хугацаа өнгөрчээ.
Тэгвэл пүрэв гарагт “Украины үнэн” сониноос мэдээлснээр дээрх хугацаанд ОХУ ойролцоогоор 173 мянга гаруй цэргээ алдаж, хохирсон гэнэ. Тодруулбал, гуравдугаар сарын 30-ы өдрийн 15:00 цагийн байдлаар ОХУ дайнд нийт 173,460 цэргээ алдсан байна.
Энэ тухай мэдээллийг Украины Зэвсэгт хүчний ерөнхий штабаас баталж, өөрсдийн Фэйсбүүк хуудаснаа нийтэлсэн юм.
Харин зэр зэвсэг, байлдааны техникийн хувьд Украин улс Оросын нийт 306 байлдааны онгоц, 291 нисдэг тэрэг, 3,611 танк, 6,982 хуягт машин, 2,683 их буу, 279 агаарын орон зайг хамгаалах систем, 526 пуужин харвагч, 2,239 нисгэгчгүй онгоц, 18 хөлөг онгоц, завь болон 5,529 танкерыг устгажээ.
Эх сурвалж: Українська Правда
