АНУ-ын Зэвсэгт хүчний штабын дарга нарын нэгдсэн хорооны дарга Марк Милли "Defense One"-аас зохион байгуулсан виртуал арга хэмжээний үеэр Украйн алдагдсан бүх нутаг дэвсгэрээ буцааж авах боломжийн талаар үнэлэв. Киев богино хугацаанд энэхүү цэргийн зорилгодоо хүрнэ гэдэгт Пентагоны генерал эргэлзэж байгаа гэдгээ илэрхийлжээ.
"Би үүнийг хийх боломжгүй гэж хэлэхгүй. Гэхдээ энэ бол маш хэцүү ажил гэдгийг л хэлэх байна.Үүнийг богино хугацаанд хэрэгжүүлэх боломж бага" гэж генерал онцолжээ.
Украины Ерөнхийлөгч Владимир Зеленский Киевийн өөрийн гэж үздэг нутаг дэвсгэрээс Оросын бүх цэргийг гаргахыг зорьж байгааг Милли сануулж Конгресст үг хэлэх үеэрээ "Украины удирдагчийн зорилго, тэр дундаа Крымийг Украинд буцааж өгөх зэрэг зорилтуудыг хэрэгжүүлэхэд хэцүү" гэж мэдэгджээ.
Хоёрдугаар сард Зеленский Украин алдсан газар нутгаа буцааж авна гэдэгт итгэлтэй байгаагаа илэрхийлсэн. Тэрээр Мюнхенд болсон Аюулгүй байдлын бага хурал дээр үг хэлэхдээ ингэж мэдэгдсэн юм. Украины удирдагч Киевт алдагдсан газар нутгаа өөрийн мэдэлд буцааж авах "1891 оны нотлох баримт бий" гэж мэдэгджээ.
Эх сурвалж: Toim.mn
