"Мета" компанийн Төв Ази, Монгол, Хятадыг хариуцсан захирал Жорж Чен ХЗДХ-ийн сайд Х.Нямбаатарыг худлаа ярьсан хэмээн твиттерт жиргэсэн асуудал гарсан билээ. Харин энэ жиргээнд сайд Х.Нямбаатар хариу барьж, Жорж Ченийг ажлаас нь халж өгөх тухай албан бичгийг "Мета" компани руу явуулна" гэж мэдээлж байсан. Хэрэв албан ёсоор уулчлалт гуйхгүй бол шүүхэд хандана гэдгээ ч мэдэгдэж байсан. Тэгвэл олон нийтийн сүлжээнд Жорж Чен ажлаа хүлээлгэн өгсөн талаарх мэдээлэл цацагджээ. Энэ талаар ХЗДХЯ мэдээлэл өгч "Жорж Чен ажлаа хүлээлгэн өгсөн талаарх мэдээлэл ирсэн нь үнэн" гэжээ.
Ийнхүү сайд Х.Нямбаатарыг олон нийтийн сүлжээгээр илтэд гүтгэсэн мэдээлэл тараасан нь үнэн болж, Мета компани Хятад талыг хариуцсан захирлаа Монголын сайдын гомдлоор халчихдаг юм байна. Хуульзүйн дотоод хэргийн сайд нь бие жижиг ч бэлчээр том гэдгээ батлан харуулчихлаа шүү. Салбар хариуцсан захирлыг ажлаас нь халуулсандаа сайд Х.Нямбаатар "том" байгаа бололтой.
