Твиттер сошиал платформыг дэлхийн хамгийн баян хүн гэгддэг Илон Маск өнгөрсөн онд $43 тэрбумаар худалдаж авсан билээ.
Энэ үеэс хойш Твиттерийн ажиллагаа маш их тогтворгүй болж, бараг өдөр бүр янз янзаар өөрчлөгддөг болсон.
Хамгийн сүүлд тус платформын алдарт шувууны дүрстэй лого нохойн толгойгоор солигдсон байна.
Уг нохой нь Илон Маскын дэмждэг Doge коины лого юм.
Твиттерийн вэб интерфэйс зөвхөн ийм шинэ логотой болж, харин гар утасны аппликэйшнүүдэд хуучнаараа байна.
Энэхүү өөрчлөлтийн талаар Твиттер компаниас ямар нэг тайлбар гаргаагүй бол Илон Маск лого шинэчлэгдсэнтэй холбоотой зарим мэм зураг, баримтыг өөрийн твиттер хуудсанд нийтлэхээс өөр үйлдэл хийгээгүй юм. Логоны өөрчлөлт түр зуурынх эсэх нь тодорхойгүй байна.
— Elon Musk (@elonmusk) April 3, 2023
As promised pic.twitter.com/Jc1TnAqxAV
— Elon Musk (@elonmusk) April 3, 2023
Ямартай ч Твиттерийн лого солигдсон нь Doge коины ханшид нөлөөлж, нэг бүр нь 8 центээс 9 цент болон өсжээ.
Хэсэг хөрөнгө оруулагчид Dogecoin-ийг крипто валютын пирамид схем бий болгоход ашигласан гэх үндэслэлээр Маскийг шүүхэд өгөөд байгаа юм.
Эх сурвалж: The Verge