Холливүүдийн од, Калифорни мужийн захирагч асан Арнольд Шварценеггерийн санаачилсан сайн дурын ажил үнэндээ төлөвлөгөөт засварын ажилд саад учруулсан хэрэг болсныг Лос Анжелес хотын захиргаа өчигдөр мэдэгджээ.
Саяхан тэрбээр гэрийнхээ ойролцоох зам дээр үүссэн том хагархайг бөглөж байгаагаа сошиал хуудсаараа үзүүлж, иргэний үүргээ нэр төртэй биелүүлснээ гайхуулж байсан юм.
“Манай хөршүүдийг олон өдөр бухимдуулж, замын хөдөлгөөнд саад болж байсан том нүхийг би өнөөдөр найзынхаа хамт бөглөлөө. Гомдоллож суухын оронд хийх хэрэгтэйг би байнга хэлдэг” гэж Шварценеггер 5.1 сая дагагчтай Твиттер хуудсандаа бичээд ажлынхаа дүрс бичлэгийг нийтэлж байжээ.
Today, after the whole neighborhood has been upset about this giant pothole that’s been screwing up cars and bicycles for weeks, I went out with my team and fixed it. I always say, let’s not complain, let’s do something about it. Here you go. pic.twitter.com/aslhkUShvT
— Arnold (@Schwarzenegger) April 11, 2023
Дүрс бичлэг дээр өнгөрч явсан машинтай хүн талархал илэрхийлж буйг бас харуулсан байна. Тэрбээр найзын хамт нүхийг түргэн хатдаг цементээр дүүргэж, дээрээс нь элсээр хучиж байжээ.
Харин маргааш нь Лос-Анжелес хотын захиргааны ажилтан Шварценеггерийн сайн үйл үнэндээ “хорлон сүйтгэл” байсныг NBC News сувгаар ярьсан байна.
“Энэ бол замын эвдрэл байгаагүй. SoCal Gas хий түгээлтийн компанийн засварын ажилд зориулж гаргасан нүх байсан юм. Энэ ажил тавдугаар сарын сүүлээр дуусах төлөвлөгөөтэй байсан” гэж захиргааны ажилтан тайлбарлажээ.
Шварценеггерийн сайн үйлийн улмаас нүхийг дахиж ухах хэрэгтэй болоод байгааг тэр бас хэлсэн байна.
Эх сурвалж: The Guardian