fbpx Нээлттэй сонсгол “гацлаа”, нүүрсний хэрэг ч “гацах” уу?!
 
Энэ мэдээ хуучирсан буюу 2023/04/18-нд нийтлэгдсэн мэдээ болно.
Ангилал
Улс төр Уул уурхай Том онцлох
Огноо
Унших
7 минут 27 секунд

Нээлттэй сонсгол “гацлаа”, нүүрсний хэрэг ч “гацах” уу?!

Нүүрсний хулгайтай холбоотой нээлттэй сонсгол 2023 оны дөрөвдүгээр сарын 10-нд эхлэх байв. Тов нь 21 хоногийн өмнө гараад байсан юм. Гэтэл нээлттэй сонсголоос ердөө долоо хоногийн өмнө Нүүрсний түр хороо хуралдаж, “...Хугацаагүйгээр хойшлуулах” шийдвэрийг гаргасан. Нүүрсний түр хорооны дарга Г.Ганболд энэ тухайд “...Хуралдаанд АТГ-ын төлөөлөл оролцож “...Нээлттэй сонсгол зохион байгуулснаар мөрдөн байцаах ажиллагааны нууц задруулах магадлалтай. Шүүх хурлаас өмнө зарим хүнийг гэм буруутайд тооцох зэрэг эрсдэлтэй. Тиймээс хуульд заасан үндэслэлээр түр хорооны сонсголыг хойшлуулах хүсэлтэй байна” гэдгийг илэрхийлсэн. Иймд түр хорооны гишүүд санал нэгтэйгээр нээлттэй сонсголыг хойшлууллаа” гэсэн. Ингээд нүүрсний нээлттэй сонсгол “гацаа”-нд орсон. Харин олон нийт энэ нээлттэй сонсголыг хүлээсээр байгаа юм. “...Нэхэж байгаа” гэсэн ч болно.

Нүүрсний түр хорооны дарга Г.Ганболд өчигдөр дахиад энэ талаар мэдээлэл өгөв. Тэрбээр “...Бид нүүрсний хэрэгтэй холбоотойгоор сонсгол хийхэд бэлэн байгаа. Хуулийн дагуу долоо хоногийн өмнө гэрчээр дуудах хүмүүсээ зарлах ёстой байсан. “Тавантолгой төмөр зам” компанийн захирал асан Н.Удаанжаргалыг оролцуулж өгөөч гэсэн хүсэлтийг тавьсан. Н.Удаанжаргал “...Гадаад улсаас цахимаар оролцъё” гэдэг хүсэлтээ тавьсан. “...Хууль эрх зүйн хүрээнд боломжтой юу” гэдэг асуудлыг хуулийн байгууллагад хүргүүлсэн. АТГ-аас мөрдөн байцаах ажил цуг үргэлжилж байгаа учраас нууц задруулах, мөрдөн байцаах ажиллагаанд саад учруулах, гэм буруутай нь тогтоогдоогүй байхад нийгэмд яллуулах гээд байгаа учир хууль зөрчиж байна гэсэн санал ирсэн. Манай түр хорооны гишүүд санал нийлж хойшлуулсан” гэв.

Гол нь Г.Ганболд өчигдөр “...Сонсгол явуулахгүй нөхцөл байдал үүсэх юм бол УИХ-д тайлангаа тавина” гэж мэдэгдлээ. Эндээс “...нүүрсний нээлттэй сонсгол эргэлт буцалтгүй гацаанд оржээ” гэж ойлгогдож байна. Ингэж “гацсан”-ы шалтгааныг “...Нүүрсний хулгайтай асуудлууд мөрдөн шалгах байгууллагуудын ажиллагаатай зэрэгцэж байгаа. УИХ-ын Түр хороо мөрдөн шалгах ажиллагаа явуулж байгаа боловч мөрдөн байцаалт явуулах боломжгүй. Манай Түр хорооны сонсголд гэрчээр дуудагдах хүмүүс цагдан хоригдож байгаа учраас хууль эрх зүйн хүрээнд боломжгүй байна” гэж тайлбарлаж байх юм.

Ер нь бол Г.Ганболдын тайлбарыг шалтгаан бус шалтаг гэвэл зохино. Нүүрсний нээлттэй сонсголыг товлогдсоноос долоо хоногийн өмнө хойшлуулахаас эхлээд л олон нийтийн дунд эргэлзээ бий болсон. Нэгт, 21 хоногийн өмнө товлон зарлахад нь дуугүй байсан АТГ гэнэт долоо хоногийн өмнө “...Болохгүй” гэсэн гээд байгаа юм. Хоёрт, Г.Ганболдын ярьснаар АТГ-аас Түр хороо руу хүн явуулаад, эсвэл бичиг илгээгээд нээлттэй сонсголыг хойшлуулсан гээд байгаа юм. Түүний өчигдөр ярьснаар “...Н.Удаанжаргалыг оролцуулъя” гэхэд нь АТГ-аас тийм санал хүргүүлсэн бололтой юм. Н.Удаанжаргалын тухайд Монголд ирээгүй байгаа юм. Өөрөөр хэлбэл, АТГ тэр хүнээс мэдүүлэг авч эхлээгүй гэсэн үг. Ийм нөхцөлд тийм хариу өгөх нь тодорхой юм.

Гэтэл Н.Удаанжаргал гэдэг хүн нүүрсний хулгайтай холбоотой “олон салаа” асуудлын ганцтай нь л холбоотой. Тэгээд түүнийхээ нэг л оролцогч нь байдаг. Тодруулбал, Засгийн газрын 2022 оны арванхоёрдугаар сарын 11-ний ээлжит бус хуралдаанаас “Эрдэнэс Тавантолгой” ХК-ийн хэрэгжүүлж буй есөн гэрээг нууцын зэрэглэлээс гаргах” шийдвэр гаргасан. Эдгээр гэрээний хүрээнд олон хүн тус Түр хорооны нээлттэй сонсголд гэрчээр оролцох ёстой. Н.Удаанжаргал тэдний л нэг гэсэн үг. Гэтэл дээрх гэрээнүүдийн дийлэнхтэй холбоотой “Бодь”-ийн Д.Баясгалан, тэдний гүйцэтгэх удирдлагууд, дамжаад холбогдоод байдаг Х.Баттулга нарын хүмүүс Монголдоо байж л байна. Гэрээтэй холбоотой асуудлаар Х.Баттулга 2022 оны сүүлчээр АТГ-т дуудагдаад байсан. Мэдүүлгийнхээ “шав”-ыг тавьсан гэх мэдээлэл бий. “Бодь”-ийн Д.Баясгалан ч мэдүүлэг өгсөн байх учиртай. Тиймээс нэгэнт ил болсон гэрээнүүдэд Түр хорооны шинжээчид ямар дүгнэлт гаргасан, түүнийг нь хэлэлцээд явахад саад болоод байх зүйл алга. Ийм л ил тодорхой зүйл дээр Г.Ганболд гэдийгээд байгаа нь анхаарал татаад байгаа юм. Яагаад ингээд байгаа нь бас л хоёр янзаар харагдаж байна. Нэгдүгээрт, энэ Нүүрсний түр хороонд нүүрсний хулгайд холбогдсон хэд хэдэн гишүүн багтжээ. УИХ-ын 72 гишүүнээс нүүрстэй холбогдоогүй, энэ хулгайд сэрдэгдээгүй 13 гишүүн олдоогүй гэхэд итгэмгүй. Өөрөөр хэлбэл, “...Нүүрсний түр хороонд ямар нэг байдлаар нүүрсний асуудалд холбогдсон гишүүд орсон нь нээлттэй сонсголыг хойшлуулахад нөлөөлөөд байна уу” гэж хардахаар байна. Хоёрдугаарт, нүүрсний хулгай тойрсон асуудлуудын зарим, тухайлбал оффтейк гэрээг хэлэлцэхээс болоод нээлттэй сонсголыг “гацаав” уу гэж үзэхээр байна. Г.Ганболдын өчигдрийн “...“Тавантолгой төмөр зам” компанийн захирал асан Н.Удаанжаргалыг оролцуулж өгөөч гэсэн хүсэлтийг тавьсан. АТГ-аас нууц задруулах, мөрдөн байцаах ажиллагаанд саад учруулах, гэм буруутай нь тогтоогдоогүй байхад нийгэмд яллуулах гээд байгаа учир хууль зөрчиж байна гэсэн санал ирсэн” гэсэн нь ингэж үзэхэд хүргэж буй юм.

Уг нь УИХ-ын нээлттэй сонсгол ямар ач холбогдоотойг Хөгжлийн банкны түр хорооныхон хангалттай харуулсан. Түүгээр олон нийтэд үнэн бодит байдлыг хангалттай ойлгуулсан. Энэ нь хууль хяналтынхны үйл ажиллагаанд ч эерэг нөлөө үзүүлсэн гэдэг нь эргэлзээгүй. Хэрвээ тэр нээлттэй сонсгол болоогүй бол өдийд Хөгжлийн банкны хэргийг шүүх хурлаас болоод шүүхийг “ хэмх нүдэж” эхлэх байв.

Гэтэл нүүрсний хулгайн эргэн тойрон дахь асуудлын “оролцогчид”-ыг нээлттэй сонсголд авчирч чадахгүй нь тодорхой болж байх шиг байна. Тэгэхээр тэднийг байгаа хөшигний ард, нүднээс далд хуулийн өмнө суулгаж чадах нь юу л бол доо. Шулуухан хэлэхэд нээлттэй сонсгол “гацсан” нь нүүрсний хэрэг “гацах”-ын эхлэл ч байж мэдэхээр боллоо.

Б.ДАМДИН-ОЧИР

Эх сурвалж : “Зууны мэдээ” сонин

Ерөнхий сайд Л.Оюун-Эрдэнэ: Хүний эрхийн хамгийн том зөрчил бол авлига юм
Ерөнхий сайд Л.Оюун-Эрдэнэ: Хүний эрхийн хамгийн том зөрчил бол авлига юм
 
“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв
“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв

Шинэ мэдээ

“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв

“Туйлбаргүй“ Д.Энхтүвшин ажлаа өгөөд сонгуульд хүч үзнэ гэдгээ мэдэгдэв

Сонгуулийн шоу: Багаараа сонгогдоод ямар ч ид шидгүй, хэрсүү байцгаая!

Сонгуулийн шоу: Багаараа сонгогдоод ямар ч ид шидгүй, хэрсүү байцгаая!

МАН жагсаалтаа толгой сайтад биш “бурханы хүү“-д өгчээ

МАН жагсаалтаа толгой сайтад биш “бурханы хүү“-д өгчээ

Л.Оюун-Эрдэнэ: Айх хэрэггүй, тэртэй тэргүй үнэн ялна

Л.Оюун-Эрдэнэ: Айх хэрэггүй, тэртэй тэргүй үнэн ялна

Өмгөөлөгч Г.Жалбуу: Хар тамхины хэрэгт холбогдсон хүмүүсийг сурталчилдаг хэвлэлийг торгох заалтыг зөрчлийн хуульд оруулах ёстой

Өмгөөлөгч Г.Жалбуу: Хар тамхины хэрэгт холбогдсон хүмүүсийг сурталчилдаг хэвлэлийг торгох заалтыг зөрчлийн хуульд оруулах ёстой

Ч.Өнөрбаяр: Хүчингийн хэрэгт гүтгэнэ гэдэг бол эрээ цээргүй асуудал

Ч.Өнөрбаяр: Хүчингийн хэрэгт гүтгэнэ гэдэг бол эрээ цээргүй асуудал

Намын жагсаалтыг нийгмийн бүлгийн төлөөллөөр бүрдүүлэх нь Үндсэн хууль зөрчсөн үйлдэл

Намын жагсаалтыг нийгмийн бүлгийн төлөөллөөр бүрдүүлэх нь Үндсэн хууль зөрчсөн үйлдэл

Ч.Хүрэлбаатар Монгол төрийн сайдын албыг гутаалаа

Ч.Хүрэлбаатар Монгол төрийн сайдын албыг гутаалаа

Сонгуулийн луйврын анхны маргаан “Морьтой Аравт“-ын тойргоос гарлаа

Сонгуулийн луйврын анхны маргаан “Морьтой Аравт“-ын тойргоос гарлаа

Н.Хүрэлбаатар СХД-т хамт дэвшиж буй багийнхныгаа муухай харагдуулж байна

Н.Хүрэлбаатар СХД-т хамт дэвшиж буй багийнхныгаа муухай харагдуулж байна

Дараагийн Месси Монголоос “төрөх” ч юм бил үү?

Дараагийн Месси Монголоос “төрөх” ч юм бил үү?

“Комедиан“ Д.Амартүвшин жийгдэж эмч Т.Цэрэнтогтохыг сонгожээ

“Комедиан“ Д.Амартүвшин жийгдэж эмч Т.Цэрэнтогтохыг сонгожээ

2024 оны УИХ-ын сонгууль: Намуудын сонирхол, сонгогч олны горьдлого...

2024 оны УИХ-ын сонгууль: Намуудын сонирхол, сонгогч олны горьдлого...

Сонгуулийн дараах эдийн засаг ямар байх вэ?

Сонгуулийн дараах эдийн засаг ямар байх вэ?

Баабар: Путины саналаас Хятад яагаад татгалзав?

Баабар: Путины саналаас Хятад яагаад татгалзав?

Л.Оюун-Эрдэнэ: Хоёрхон кэйс ярья

Л.Оюун-Эрдэнэ: Хоёрхон кэйс ярья

Судлаач Ганаа: Залуужуулахын сайн муугийн тухай

Судлаач Ганаа: Залуужуулахын сайн муугийн тухай

Сэтгүүлчийн тэмдэглэл: Өндөрхааны оройгоос

Сэтгүүлчийн тэмдэглэл: Өндөрхааны оройгоос

Х.Нямбаатар: Номингийн Баярсайхан үе үеийн нийслэлийн засаг даргад авлига өгч Хан-Уул дүүрэгт олон газар авсан

Х.Нямбаатар: Номингийн Баярсайхан үе үеийн нийслэлийн засаг даргад авлига өгч Хан-Уул дүүрэгт олон газар авсан

Д.Бат-Эрдэнэ: Хэн нэгний постыг шэйрлэхийн тулд Сонгуулийн ерөнхий хороонд бүртгүүлнэ гэсэн журам хаана ч байхгүй

Д.Бат-Эрдэнэ: Хэн нэгний постыг шэйрлэхийн тулд Сонгуулийн ерөнхий хороонд бүртгүүлнэ гэсэн журам хаана ч байхгүй

Ц.Гантулга: Монгол Улсын гадаад өр 35 тэрбум $, Элон Маскийн урамшуулал 56 тэрбум $

Ц.Гантулга: Монгол Улсын гадаад өр 35 тэрбум $, Элон Маскийн урамшуулал 56 тэрбум $

Буруу тогтолцоо: ХУД УРГААРАА ТӨРИЙН СЭНТИЙД СУУХААР НЭР ДЭВШИЖ БУЙ НӨХДҮҮД

Буруу тогтолцоо: ХУД УРГААРАА ТӨРИЙН СЭНТИЙД СУУХААР НЭР ДЭВШИЖ БУЙ НӨХДҮҮД

Зайсан тойруугийн замын хөдөлгөөнийг маргаашаас хуучин зохицуулалтаар явуулна

Зайсан тойруугийн замын хөдөлгөөнийг маргаашаас хуучин зохицуулалтаар явуулна

Өчигдөр гэр бүлийн хоёр мотоциклтой зорчих үеэр аянгад өртөж, эхнэр нь нас баржээ

Өчигдөр гэр бүлийн хоёр мотоциклтой зорчих үеэр аянгад өртөж, эхнэр нь нас баржээ

ИЗНН-ын дэд дарга М.Нарантуяа: С.Зоригийн хөшөөтэй газрыг 1 тэрбум төгрөгөөр худалдаж авах санал тавьж байна

ИЗНН-ын дэд дарга М.Нарантуяа: С.Зоригийн хөшөөтэй газрыг 1 тэрбум төгрөгөөр худалдаж авах санал тавьж байна

76 гишүүнтэй сүүлчийн парламент

76 гишүүнтэй сүүлчийн парламент

Сурагчаа зодсон багшид хорих шийтгэл оноожээ

Сурагчаа зодсон багшид хорих шийтгэл оноожээ

Д.Баярхүү: Хэтрүүдоржийн ядуурал

Д.Баярхүү: Хэтрүүдоржийн ядуурал

ДЭМБ: H5N2 вирусний халдвараар хүн нас барсан анхны тохиолдол бүртгэгдлээ

ДЭМБ: H5N2 вирусний халдвараар хүн нас барсан анхны тохиолдол бүртгэгдлээ

Намуудын сонгуулийг тэд “найруулна”

Намуудын сонгуулийг тэд “найруулна”

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​