Манай улсын 1 хүнд ногдох Дотоодын нийт бүтээгдэхүүн (ДНБ) 2022 оны байдлаар 5033 америк доллар байна гэж ҮСХ-ноос танилцууллаа. ДНБ нь тухайн нутаг дэвсгэрийн хүрээнд дотоод, гадаадын аж ахуйн нэгж, байгууллага, иргэдийн нэг жилийн хугацаанд шинээр бий болгосон нийт нэмэгдэл өртгийн хэмжээ юм.

Монгол Улсын 1 хүнд ногдох ДНБ:

- 2000 онд 485 ам.доллар;

- 2010 онд 2727 ам.доллар;

- 2020 онд 4128 ам.доллар;

- 2022 онд 5033 ам.доллар болж 2000 оноос 10.4 дахин, 2010 оноос 84.6 хувиар, 2020 оноос 21.9 хувиар тус тус өсжээ гэж Үндэсний Статистикийн Хорооноос мэдээллээ.