Дэлхийн хэвлэлийн эрх чөлөөний өдөр бол асуудал дэвшүүлэх, эрхээ баталгаажуулах эв санааны өдөр юм!
МСНЭ-ээс өнөөдөр /2023.05.03/ өдөр Үзэл бодлоо илэрхийлэх эрх чөлөөний форум, Хэвлэлийн эрх чөлөөний төлөөх нэгдсэн акц үйл ажиллагааг зохион байгуулж байна.
“Хэвлэлийн эрх чөлөөний өдөр”-ийг дэлхийн улс орнууд жил бүр өөр, өөр сэдвийн дор тэмдэглэн өнгөрүүлдэг бөгөөд тухайн жилдээ салбартаа хамгийн тулгамдсан асуудлыг авч хэлэлцэж, шийдэл хайсаар ирсэн.
Нэгдсэн Үндэсний байгууллагын Ерөнхий Ассамблей 1993 оны энэ өдөр Дэлхийн Хэвлэлийн эрх чөлөөний өдөр тэмдэглэхийг тунхагласан бөгөөд энэ өдрийг дэлхий нийтээрээ 30 дахь жилдээ тэмдэглэж байна. Иргэдийн мэдэх эрхийн төлөө таны үйлс үргэлж зөв шударгын талд байх болтугай.
Монгол Улсад 2022 оны байдлаар 486 хэвлэл мэдээллийн хэрэгсэл тогтмол ажиллаж байгаагаас сонин 64, сэтгүүл 46, радио 50, телевиз 135, мэдээллийн сайт 191 байна.
“Баримт үгүй бол үнэн үгүй. Үнэн үгүй бол итгэл үгүй. Итгэл үгүй бол бидэнд нийтлэг бодит байдал, ардчилал байхгүй бөгөөд цаг уур, коронавирус, үнэний төлөөх тэмцэл гэх мэт дэлхийн оршин тогтнох асуудлыг шийдвэрлэх боломжгүй болно" Мария Ресса, 2021 оны Нобелийн энх тайвны шагналын эзэн.
