Японы сүмо бөхийн холбооны ээлжит бус хурал Нацү башё дууссаны дараа яаралтай хуралдаж, саньякү цолтой гурван тэмцээнд дараалан 34 даваа авсан "Мичиноку" дэвжээний монгол сүмоч Кирибаяма Бямбачулууны Лхагвасүрэнг озэки болох боломжийг санал нэгтэйгээр дэмжив. Ингэснээр Кирибаяма мэргэжлийн сүмогийн түүхэнд 256 дахь озэки болж байна. Өчигдрийн ээлжит бус хурлаар озэки цолтой болох нь шийдэгдсэн ч тавдугаар сарын 31-ны лхагва гаригт банцүкэ тогтоох хурлаар түүнийг албан ёсоор зарлана.
Кирибаяма 2015 онд мэргэжлийн сүмод анх барилдаж 4 жилийн дараа сэкитори цолтой болсон. 2020 онд макүүчи зиндаанд дэвшиж жилийн дараа саньякү цолонд хүрсэн юм.
ТҮҮНИЙ СҮҮЛИЙН 3 ТЭМЦЭЭНИЙ ҮР ДҮН:
2023 оны I сар: Kомүсүби цолтой 11-4 (дэд аварга, техниктэй бөхийн шагнал)
2023 оны III сар: Сэкивакэ цолтой 12-3 (түрүү болон техниктэй бөхийн шагнал)
2023 оны V сар: Сэкивакэ цолтой 11-4 (Техниктэй бөхийн шагнал)
