ИНЕГ-ын зардлаар гадаадад суралцсан суралцагчдын мэдээлэл ил болоод буй. Түүн дотор УИХ-ын гишүүн асан Ц.Оюунгэрэлийн хүү Б.Идэр-Од ИНЕГ-ын зардлаар суралцсан явдал нь нэлээд шүүмжлэл дагуулаад байгаа. Тодруулбал, Б.Идэр-Од нь АНУ-ын Канзасын Их сургуульд Нисэхийн инженерээр 2006-2010 онд 40-50 мянган ам.доллар буюу одоогийн ханшаар 174 сая төгрөгийн тэтгэлэг авч суралцжээ.
Тэгвэл Б.Идэр-Од ИНЕГ-ын тэтгэлэг авч суралцсан талаараа цахим хуудастаа "Миний бие 100% АНУ-н талын сургалтын төлбөрийн тэтгэлэгээр 5 жил нисэхийн инженер мэргэжлээр сурч төгссөн. Харин нялх байхдаа нисгэгч аавыгаа онгоцны ослоор алдсанаас хойш байгууллагаас нь тэтгэмж авч байгаагүй учраас оюутан байхдаа 5911 долларын дотуур байр, эрүүл мэндийн даатгалын тэтгэмж нисэхээс авсан. Төгсөөд МИАТ компанид инженерээр 3 жил ажиллаад, ЖДҮ эрхэлж 180 гаруй чанартай ажлын байр бий болгосон билээ.Сонгууль дөхөөд ээжийн маань эсрэг улс төрийн дайралт, харлуулах ПР их байгааг ойлгож байгаа. Гуйвуулж сэвж байгаа." хэмээн бичжээ.
Hardnews.mn