Дэлхийн хамгийн баян хүнд тооцогддог тэрбумтан Илон Маск өчигдөр Бээжин хотноо Хятадын гадаад хэргийн сайд Чинь Гантай уулзжээ.
Тэдний уулзалт Америк-Хятадын сөргөлдөөн, ялангуяа технологийн салбарын өрсөлдөөн ширүүссэн цаг үед болсноороо онцлог болж байна.
Саяхан АНУ-ын засаг захиргаа хагас дамжуулагчийн технологийг Хятадад дамжуулахыг хориглосон бол Бээжингийн эрх баригчид Америкийн томоохон чип үйлдвэрлэгч Micron-ий бүтээгдэхүүнийг өөрийн зах зээлд нэвтрүүлэхийг хориглосон юм.
“Харилцан хүндлэл, энх тайванч зэрэгцэн орших, харилцан ашигтай хамтын ажиллагааны зөв чиглэлд талууд анхаарлаа хандуулах шаардлагатайг” Чинь Ган уулзалтын үеэр Америк бизнесмэнд илэрхийлсэн тухай БНХАУ-ын гадаад хэргийн яамны мэдэгдэлд өгүүлжээ.
Хятад улс нь цахилгаан автомашин үйлдвэрлэгч Тесла компанийн хувьд маш чухал зах зээл юм. Одоогоор дэлхийн цахилгаан автомашины зах зээлийн тал хувь Хятадад оногдож байгаа.
Тесла компанийн хувьд АНУ-аас гаднах анхны үйлдвэрээ 2019 онд Шанхай хотод байгуулж байв.
Уулзалтын үеэр Хятад дахь бизнесээ өргөжүүлэхэд бэлэн байгаагаа Илон Маск илэрхийлснийг Хятадын гадаад хэргийн яамны мэдэгдэлд дурджээ.
Эх сурвалж: Associated Press
.jfif&w=80&h=80 "Маргаашнаас төвийн аймгуудын нутгийн хойд хэсгээр бороо, уулаараа нойтон цас орно")
.jfif&w=80&h=80 "Автомашингүй өдрөөр төв талбай дээр шүдний эмнэлгүүд ажиллана")
