fbpx Японы эрх баригчид биедээ шивээстэй залуус цэргийн алба хаахыг зөвшөөрөх гэж байна
 
Энэ мэдээ хуучирсан буюу 2023/06/07-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 54 секунд

Японы эрх баригчид биедээ шивээстэй залуус цэргийн алба хаахыг зөвшөөрөх гэж байна

Япон улсын Өөрийгөө Хамгаалах Зэвсэгт Хүчин хүний нөөцийн хомсдолтой тулгарсан тул олон жил хэрэгжиж ирсэн шивээсний хоригоо цуцлах асуудал улс төрийн хүрээнд яригдаж эхэлжээ.

Одоогийн хуулиар биедээ ямар нэг шивээс бүхий залуус цэргийн алба хаах эрхгүй байдаг юм.

Саяхан Японы парламентын дээд танхимын чуулганы үеэр эрх баригч Либерал Ардчилсан Намын хууль тогтоогч Масахиса Сато энэ санааг дэвшүүлжээ.

“Зөвхөн биедээ шивээстэй байсны төлөө залуусыг буцаах нь хүний нөөц бүрдүүлэхэд асуудал үүсгэж байна. Шивээс нь янз бүр байж болно. Жишээ нь жижиг цэцэг, хэн нэгний нэр зэрэг энгийн гоёл ч байх боломжтой” гэж тэр тайлбарласан байна.

Японы залуу үеийнхний дунд жижиг хэмжээтэй шивээсээр гоёх явдал түгээмэл байдаг. Харин цэрэг татлагад тавигддаг шаардлага нь бүх биеэ бүрхсэн шивээс хийлгэдэг “якуза” гэмт хэргийн бүлгийн гишүүд, эсвэл өөр ямар нэг нийгмийн эсрэг байгууллагын идэвхтнүүдийн эсрэг авсан арга хэмжээ байжээ.

Хятад улсын хурдтай хүчирхэгжилт, Умард Солонгосын дайсагнал зэрэг нь Япон улсыг батлан хамгаалах хүчин чадлаа нэмэгдүүлэх шаардлагатай болгож байгаа.

Гэвч тус улсын хүн ам хөгширч, хүүхдийн төрөлт буурч байгаа нь армид алба хаах боломжит хүний нөөцийн хэмжээг жилээс жилд улам бүр бууруулж байна.

Тухайлбал өнгөрсөн онд Япон улсад 800,000 хүрэхгүй тооны хүүхэд мэндэлсэн нь түүхэн доод үзүүлэлт болсон юм.

Эх сурвалж: Kyodo News

Шойгу, Пригожин нар Украины армийн хохирлын хэмжээний талаар зөрчилдөв
Шойгу, Пригожин нар Украины армийн хохирлын хэмжээний талаар зөрчилдөв
 
Монгол улсад нийлүүлдэг эрчим хүчний үнэ тарифаа ОХУ аравдугаар сарын нэгнээс эхлэн өсгөжээ
Монгол улсад нийлүүлдэг эрчим хүчний үнэ тарифаа ОХУ аравдугаар сарын нэгнээс эхлэн өсгөжээ
Энэ мэдээ хуучирсан буюу 2023/06/07-нд нийтлэгдсэн мэдээ болно.

Шинэ мэдээ