Мягмар гарагийн байдлаар АНУ-ын хамгийн том хот Нью-Йорк дэлхийн хамгийн бохир агаартай хот болсныг Швейцарын IQAir вэб сайт мэдээлсэн байна.
Энэ нь тус улсын хойд хөрш Канадад үргэлжлэн шатаж буй ой хээрийн түймэртэй холбоотой юм. Тухайлбал Лхагва гарагийн өглөөний байдлаар Нью-Йоркийн агаарын чанар Энэтхэгийн Шинэ Дели, Иракийн Багдад зэрэг хотуудынхаас муу байжээ.
Утааны гамшигтай холбоотойгоор АНУ-ын эрх баригчид Кливлэндээс Буфалло хүртэлх Их Нууруудын бүс нутагт агаарын чанарын эрсдэлийн түгшүүр зарласан байна.
Нью-Йоркийн тэнгэр харанхуйлж, утааны үнэр гэр орон, албан тасалгаанд нь хүртэл тарсныг тус хотын оршин суугчид гэрчилжээ.
Албаныхны мэдээлснээр Канадын зүүн өмнөд бүс нутагт нийт 3.3 сая га талбай түймэрт шатаад байна. Сүүлийн байдлаар түймрийн 413 голомт идэвхтэй байгаа ба нийт 26,000 орчим хүнийг гэр орноос нь нүүлгэн шилжүүлжээ.
Эх сурвалж: Associated Press
.jfif&w=80&h=80 "2024 оны дөрөвдүгээр сарын 1-нээс цалин, тэтгэвэр, тэтгэмж, халамжийг нэмэгдүүлэхэд ₮881 тэрбумыг зарцуулахаар тооцсон байна")
.jfif&w=80&h=80 "Энэ сарын 3-наас ихэнх нутгаар сэрүүснэ")
