Бельги улсад зохион байгуулагддаг үндэсний хэмжээний хонжворт сугалаанаас Украины дүрвэгч 500,000 евро хожсон тухай албаныхан өчигдөр мэдээлжээ.
“Украинд болж байгаа зүйлд санаа зовсон түүнд баярлах хэцүү байгаа нь мэдрэгдэж байлаа” гэж Бельгийн үндэсний сугалааны хэвлэлийн төлөөлөгч Жок Вермор ярьсан байна.
Бельгийн хуулиар азтаны нэр ус, дэлгэрэнгүй мэдээллийг нийтэд зарладаггүй. Ямартай ч түүнийг Брюссель хотод сүүлийн нэг жилийн турш амьдарч буй 18-24 насны хүн гэж мэдээлсэн байна. Тэрбээр тавдугаар сарын 16-ны өдөр шатахуун түгээх газраас 5 еврогийн хусаж арилгадаг сугалааны тасалбар авч байжээ.
Журмын дагуу уг азтан бусад 100,000 еврогоос дээш мөнгө хожсон хүмүүсийн хамт Бельгийн үндэсний сугалааны төв байранд биеэр хүрэлцэн ирж, хонжвороо авсан байна.
Тэрбээр хожсон мөнгөнөөсөө эх орон нэгтнүүддээ туслах, эх орондоо харьсны дараа сэргээн босголтод зарцуулах төлөвлөгөөтэй гэж ярьжээ. Гэхдээ энэ бүхнээс өмнө тэр гэр бүл, найз нөхөд, Брюссельд хөлөө олоход нь тусалсан хүмүүстэй хамт баяраа тэмдэглэх хүсэлтэй гэсэн байна.
Эх сурвалж: AFP
