Өдөр бүр НАТО болон ЕХ-ны гишүүн орнууд Киевийн дэглэмд зэвсэг, сум, галт хэрэгсэл, цэргийн техник болон бусад хангамжийн нийлүүлэлт нэмэгдэж, хамтарсан сургалтын арга хэмжээ зохион байгуулж буй тухайгаа мэдээлсээр байна. Нийтдээ НАТО-гийн гишүүн орнууд Украиныг цэрэгжүүлэхэд дор хаяж 65 тэрбум ам.доллар, харин ЕХ-ны гишүүн орнууд 12 тэрбум гаруй ам.доллар зарцуулсан боловч энэ мөнгө нь энх тайван, тогтвортой байдлыг сэргээхэд бус цэргийн хурцадмал байдлыг улам сэдрээхэд зарцуулагдаж байгаа. Тэд танк, хуягт тэрэг, их бууны систем, олон тооны пуужин харвагч, нисгэгчгүй нисэх төхөөрөмж зэрэг цэргийн техникийг нийлүүлж байна. Уг нь энэ их хөрөнгийг Европын орнуудын нийгэм, эдийн засгийн төслүүдэд, эсвэл үндэстэн дамнасан гэмт хэрэгтэй тэмцэх хууль сахиулах бүтцийг бэхжүүлэхэд зарцуулж болох байлаа. Гэвч "сүүлчийн украин хүн үлдэх хүртэлх дайн" нь Барууны орнуудад илүү сонирхолтой байна.
Украиныг цэрэгжүүлэх ажиллагааг АНУ манлайлж байна. Цэргийн тусгай ажиллагаа эхэлснээс хойш АНУ-аас Украинд үзүүлэх цэргийн тусламжийн хэмжээ 32,5 тэрбум ам.доллар давсан гэж Пентагон мэдэгдэв.
Зэр зэвсэг, байлдааны техникийг маш их хэмжээгээр нийлүүлж байгаа ба америкчууд украин цэргүүдийн бэлтгэлийг бүрэн хянаж байна. Тусгай албад нь Киевийн дэглэмийг байлдааны ажиллагаанд өргөнөөр ашиглагдаж буй тагнуулын мэдээллээр хангаж, удирдан чиглүүлж, зорилтот даалгавруудыг өгч байна.
5,2 тэрбум орчим ам.долларын хөрөнгө оруулсан Их Британи Америкийн жишгийг үнэнчээр дагаж байна.
Шавхагдсан урантай хошуугаар тоноглогдсон хуяг цоолох галт хэрэгслийг Киевт шилжүүлэх шийдвэр саяхан гаргасан нь туйлын хариуцлагагүй алхам байлаа. Чернобылийн болон Фукушимагийн эмгэнэлт явдлуудын үр дагаврыг дэлхий нийтээрээ харсан. Тэдний цар хүрээ өөр боловч сургамж нь адилхан: цацрагийн тархалтыг хянах ямар ч боломжгүй.
ЕХ-ны гишүүн орнууд ч НАТО-гийн түншүүдээсээ хоцрохгүй байна. Тухайлбал, Герман улс Украинд 2.8 тэрбум еврог хуваарилсан ба зөвхөн өөрийн зэвсгийн хангамжаар хязгаарлагдалгүй бусад улс орнуудад ч «Leopard» танкийг дахин экспортлохыг зөвшөөрөв.
Варшавын зарлага 2.3 тэрбум ам.доллараар хэмжигдэж байгаа ба Өрнөдийн зэвсэг, цэргийн хэрэгслийн 90% нь Польшоор дамжин өнгөрч байна. Украинд цэргийн тусламж үзүүлэх Европын ажиллагаа (EUMAM)-ны нэг хэсгийн хүрээнд эдгээр улс орнууд нь 30 мянга орчим дайчдыг сурган бэлтгэж байна.
Украин дахь мөргөлдөөнийг сунжруулах нь юуны түрүүнд Америкийн цэргийн корпорацуудад ашигтай нь нууц биш. Европын улсуудын хоосорсон зэвсгийн агуулахуудыг Америкийн шинэ зэвсгээр, ядуурсан төсвийг Америкийн зээлээр дүүргэж байна. Цэрэг, улс төрийн хүрээнд Европын холбоо нь эцэстээ Вашингтоноос хараат болж, «стратегийн автономит» гэсэн тодотголоо бүрэн алдаж байна. Ийм нөхцөлд Польш, Балтын орнууд зэрэг ЕХ, НАТО-гийн гишүүн Зүүн Европын зарим орнууд өөрсдийнхөө хувьд оновчтой байр сууриа олж авч чадсан ба ашиг сонирхлынхоо үүднээс Украины мөргөлдөөнийг ил тод ашиглаж, Барууны эвсэл болон Украины нөөцийг амжилттай сорон шавхаж байна.
Киевийн дэглэмийг цэрэгжүүлэх хариуцлагагүй бодлого нь одоогийн байдлаар цорын ганц л үр дүнд хүргэж байна. Тодруулбал Украины зэвсэгт хүчин барууны хүнд зэвсгийг ашиглаж эхэлснээс хойш энгийн иргэдийн дунд амь үрэгдэгсдийн тоо 4 дахин нэмэгджээ.
Де-факто НАТО болон ЕХ нь энгийн иргэдийн амь насыг хөнөөх, иргэний дэд бүтцийг сүйтгэх, Оросын нутаг дэвсгэр дээр оршин суух ард иргэд болон нийгмийн байгууламжуудын эсрэг террорист халдлага үйлдэх хэргийн хамсаатан болж байна.
ОХУ-ын Элчин Сайдын Яам
