Италийн нийслэл Ром хотын эрх баригчид өнөөдрөөс Юлий Цезарийн алагдсан газрыг олон нийтэд нээхээр болжээ.
Нийтийн Тооллын Өмнөх 44 оны гуравдугаар сарын 15-ны өдөр Ромын дарангуйлагч Цезарь сенатын хэсэг гишүүдэд хутгалуулж алагдсан юм.
Энэхүү үйл явдлыг Английн их зохиолч Уилльям Шекспир “Цезарь” жүжигтээ үзүүлж байжээ.
Цезарийн алагдсан газрыг эртний дөрвөн сүмийн туурь оршдог Ромын төв дэх Ларго Аргентина талбай гэж үздэг. 1920-оод оны үед малтаж гаргасан энэ балгас газрын түвшнээс нэлээд доор байдаг тул хүмүүс өмнө нь зөвхөн хаалтын цаанаас харах боломжтой байжээ.
Харин өнөөдөр буюу Мягмар гарагаас эхлэн тусгай зассан замаар Цезарийн хутгалуулж алагдсан гэгддэг цэгт хүрэх боломжтой болж байгаа юм байна.
Цезарийн алагдсан газарт хүрэх замыг гаргах ажлыг Италийн хувцас загварын ордон Bulgari санхүүжүүлжээ.
Цезарь алуурчдын дунд найз Брутус нь байгааг хараад “Брут, чи юу?” гэж сүүлчийн удаа хэлсэн тухай Шекспир жүжигтээ бичсэн байдаг.
Энэхүү түүхэн газарт нэвтрэхийн тулд гадаадын жуулчид таван евро төлөх юм байна.
Эх сурвалж: Reuters
