Форбс сэтгүүл 2019 оноос хойш анх удаагаа АНУ-ын тэрбумтнуудыг оршинсуугаа мужаар нь ангилсан жагсаалтыг гаргажээ.Ингэхэд тус улсын 50 мужийн 47 нь тэрбумтантай болсон байна. 2019 онд энэ тоо 44 байжээ.
Одоогоортэрбумтангүй байгаа гурван муж нь Аляска, Делавар, Баруун Виржиниа болсон бол хамгийн олон тэрбумтантай дөрвөн муж нь Калифорни (179), Нью-Йорк (130), Техас (73), Флорида (92) болжээ. Эдгээр мужуудад АНУ-д амьдардаг 775 тэрбумтны 60 гаруй хувь нь оногдож байна.
Өнгөрсөн дөрвөн жилийн хугацаанд Техас, Флорида мужууд бизнест таатай татварын орчин бүрдүүлсний ачаар тэрбумтнуудынхаа тоог нэмэгдүүлж чаджээ. Тухайлбал ийм шалтгаанаар Теслагийн Илон Маск, Ситаделын Кэн Гриффин зэрэг тэрбумтнууд Техас, Флорида мужуудадшилжин ирсэн юм.
Америк тэрбумтнуудын дундаж нас 73 байна. Тэдгээрийн хамгийн залуу нь Иллинойс мужийн оршин суугч, Уолмартын өв залгамжлагч Лукас Уолтон (36 настай) бол хамгийн ахмад нь Мэрилэнд мужийн оршин суугч, бэйсболын Вашингтон Нэйшнлз багийн эзэн Тед Лернерийн бэлэвсэн гэргий Аннет Лернер (93 настай) ажээ.
Тэрбумтнуудын гуравны хоёр нь өөрийн хүчээр баяжсан бол тэдгээрийн талаас илүү нь зөвхөн банк санхүү, жижиглэн худалдаа, хүнсний үйлдвэрлэл, технологийн гэсэн дөрвөн салбараас төрсөн аж.
Г.АМАРСАНАА
Эх сурвалж: Өдрийн сонин