Энэ долоо хоногт зохион байгуулагдах улс төр, эдийн засаг, боловсрол, спорт, урлагийн тоглолтуудын талаар тоймлон хүргэе.
Эрдэм шинжилгээний хурал
• МУИС-ийн Монгол хэл, хэл шинжлэлийн тэнхимээс “Түүхэн ба орчин үеийн монгол хэл, аялгуунууд: Нийтлэг шинж ба хөгжлийн онцлог” сэдэвт олон улсын эрдэм шинжилгээний хурал өнөөдрөөс эхлэн энэ сарын 18-н хүртэл МУИС-ийн Багш оюутны хөгжлийн төвийн 502 тоотод зохион байгуулна.
Уран бүтээ лийн үзэсгэлэн
• Монгол амьдралын тал нутаг тэр дундаа говь, уул ус, ан амьтадын өнгө төрх, дүр дүрслэлийг хөнгөн философи агуулгатай дүрслэн харуулсан Монголын урчуудын эвлэлийн гишүүн уран бүтээлч Н.Алтанцэцэгийн “Задгай тэнгэрийн шүтээнүүд” бие даасан үзэсгэлэн өнөөдрөөс лхагва гариг хүртэл B Contemporary арт галлерейд толилуулагдана.
• Монголын урчуудын эвлэл, Бурхан халдун уул, түүнийг хүрээлсэн тахилгат газар нутгийн хамгааллын захиргаа хамтарсан “Бурхан халдун” Даяар Монголын өв олон нийтийн үзэсгэлэн өнөөдрөөс наймдугаар сарын 20-н хүртэл Монголын урчуулын эвлэлийн байрт дэлгэгдэнэ. Тус үзэсгэлэнгээс Бурхан халдун уул болоод түүнийг хүрээлсэн гурван голын монголчуудын нутаглаж байсан сайхан байгалийн өнгө будгийн уран зохицол дундаас харах, түүхэн чимээ сонсогдох мэт яруу тунгалаг бүтээлийг үзэх боломжтой юм.
• Уран бүтээлч О.Ням-Очирын “Анхны зураас” уран бүтээлийн бие даасан үзэсгэлэн өнөөдрөөс энэ сарын 20-н хүртэл “Лхам” галлерейд өдөр бүр дэлгэгдэнэ.
Номын нээлт
• Зохиолч Б.Санчирын “Есөн араншин” номын нээлт энэ баасан гаригт INTERNOM номын дэлгүүрт 16:30 цагт болно.
Жүжиг
• Монголчуудын нүүдэлчин ахуй соёл, амьдралын хэв маяг, байгалийн шүтэлцээ, ан ав, цэрэг дайны ур чадвар, урлаг, урлахуйг хойч үедээ өвлүүлэх болон гадаад, додоотод сурталчлан таниулах зорилготой Сэртэн морьтон цогцолборын жүжигчид “Алтан ятга”-аар сэдэвчилсэн “Чүрэ Андури” морьтон циркийн жүжигчилсэн тоглолтыг өнөөдрөөс энэ сарын 20-нд 14:00, 17:00 цагт тус тус Сэртэн морьтон цогцолборт тоглоно.
Тоглолт
• Үндэсний урлагийн их театр Монголд зочлох жилтэй холбогдуулан гадаад, дотоодын жуулчдад зориулсан “Монголын сайхан орон” тоглолт өнөөдрөөс энэ сарын 17-нд 17:00, 18-нд 19:00, 19, 20-нд 17:00 цагт тус тус Улсын дуурь бүжгийн эрдмийн театрт тоглогдоно.
• Цагаан лавай чуулгын ардын хөгжмийн хамтлаг, ардын бүжиг, бий биелгээ, хөөмий магтаал, морин хуур, цамын бүжиг, уртын болон ардын дуу, уран нугаралт зэрэг ардын урлагийн цогц хөтөлбөртэй “Nomadic Legend” ардын урлаг, өв соёлын тоглолт “Ган зам палас”-т өнөөдрөөс энэ сарын 20-ны өдрүүдэд 16:00, 18:00 цагт тус тус тоглогдоно.
• Дотоод гадаадын үзэгчдэд зориулсан үндэсний урлаг, цирк хосолсон “Hun Totem” үндэсний урлагийн тоглолт “Хүн театр”-т өнөөдрөөс наймдугаар сарын 20-н хүртэл өдөр бүр 17:00 цагт тоглогдоно.
Спорт
• Монгол Улсын түүхэнд анх удаа Олон улсын олимпын хороо, Азийн олимпын зөвлөл, Зүүн олимпын хорооны удирдлага дор 11 спортын 12 төрлөөр “Улаанбаатар 2023” Зүүн Азийн залуучуудын спортын наадам энэ лхагва гаригаас 23-ны хооронд зохион байгуулагдана. Зүүн Азийн олимпын хороо нь есөн гишүүнтэй бөгөөд энэ удаагийн наадамд долоон Үндэсний олимпын хорооны 850 тамирчин, 405 багш, эмч, дасгалжуулагч, 150 гаруй шүүгч, техникийн ажилтан, зохион байгуулалтад 2500 гаруй ажилтан ажиллах аж. Наадмын нээлтийн үйл ажиллагаа лхагва гаригт Төв цэнгэлдэх хүрээлэнд 20:00 цагт эхэлнэ.
• “Улаанбаатар 2023” Зүүн Азийн залуучуудын наадмын Боксын тэмцээн энэ сарын 16-19-нд өдөр бүр 14:00 цагаас Бөхийн өргөөнд зохион байгуулагдана.
• “Улаанбаатар 2023” Зүүн Азийн залуучуудын наадмын ширээний теннисний тэмцээн энэ сарын 17-21-нд Ган спорт төвд өдөр бүр 10:00 цагаас эхлэнэ.
• “Улаанбаатар 2023” Зүүн Азийн залуучуудын наадмын бадминтоны тэмцээн энэ сарын 17-20-ны хооронд Монголын хөлбөмбөгийн холбооны Футзалд өдөр бүр 12:00 цагт болно.
• “Улаанбаатар 2023” Зүүн Азийн залуучуудын наадмын жүдо бөхийн тэмцээн энэ сарын 17, 18-нд Steppe Arena-д 13:00 цагт тус тус эхэлнэ.
• “Улаанбаатар 2023” Зүүн Азийн залуучуудын наадмын хөлбөмбөгийн тэмцээн энэ сарын 17-22-ны хооронд Монголын хөлбөмбөгийн холбооны Стадионд өдөр бүр 12:30 цагаас эхэлж үргэлжлэн явна.
• “Улаанбаатар 2023” Зүүн Азийн залуучуудын наадмын сагсанбөмбөгийн тэмцээн энэ сарын 19-23-нд UG Arena-д 15:00-17:00 цагт эхэлнэ.
• “Улаанбаатар 2023” Зүүн Азийн залуучуудын наадмын сагсанбөмбөгийн 3x3 тэмцээн энэ сарын 17, 18-нд Соёл амралтын хүрээлэнд 18:00 цагаас тус тус эхэлнэ.
• “Улаанбаатар 2023” Зүүн Азийн залуучуудын наадмын E-Sport цахим спортын тэмцээн энэ сарын 18-нд Соёлын төв өргөөнд 9:30 цаг, 19-нд 10:00 цагт эхэлж, үргэлжлэн явагдана.
• “Улаанбаатар 2023” Зүүн Азийн залуучуудын наадмын воллейболын тэмцээн энэ сарын 18-22-нд Буянт Ухаа спортын ордонд өдөр бүр 15:00 цагт болно.
• “Улаанбаатар 2023” Зүүн Азийн залуучуудын наадмын таеквондогийн тэмцээн энэ амралтын өдрүүдэд Steppe Arena-д тус тус 9:00 цагт зохион байгуулагдана.
• “Улаанбаатар 2023” Зүүн Азийн залуучуудын наадмын чөлөөт бөхийн тэмцээн энэ сарын 21, 22-нд Steppe Arena-д 10:30 цагт эхэлнэ.
Нийгэм
• Монголчууд бидний үнэт зүйл болсон он цагийн туршид уламжлагдан ирсэн соёлын биет бус өв, өвлөн уламжлагч нараа хүүхэд залуустаа ойртуулах, сурталчлан таниулах, өвлөн уламжлуулах зорилгын хүрээнд “Нүүдэлчин-2023” дэлхийн соёлын фестиваль энэ сарын 18-20-ны өдрүүдэд Налайх дүүрэгт зохион байгуулагдана.
• “Нэйшнл Лайф Даатгал” ХХК -аас сар бүр зохион байгуулж буй санхүүгийн мэдлэг, боловсрол олгох сургалт энэ баасан гаригт 14:00 цагт “Өрхийн санхүүгээ удирдах нь” сэдвээр Шангрилла Оффисын 22 давхар, 2203 тоотод зохион байгуулагдах гэж байна.
• Социал Демократ Монголын Оюутны Холбооноос долоо дахь жилдээ уламжлал болгон зохион байгуулж буй арга хэмжээ болох “International Student SDCamp-2023” энэ сарын 19-20-ны хооронд Төв аймгийн Тавантолгой дахь Зэвсэгт хүчний сургалтын нэгдсэн төвд зохион байгуулагдана. Нийгэмд тулгамдаж буй асуудлыг тодорхойлж дуу хоолойгоо хүргэх шийдэл, боломжийг эрэлхийлэгч, эерэг давлагааг уриалагч 21 аймаг, есөн дүүргийн оюутан, залуусын зуны хамгийн том цугларалтыг энэ жил олон улсын оюутнуудыг хамруулан “Энхийн давлагаа” уриан дор зохион байгуулах аж.