Поп од Бритни Спирсийн нөхөр Сэм Асгари хуримаасаа хойш 14 сарын дараа салах өргөдөл гаргажээ.
Тэрбээр өргөдлөө Лхагва гарагийн орой Лос-Анжелес тойргийн шүүхэд гаргасныг хэвлэлүүд олж мэдээлсэн байна.
Одоо 29 настай Асгари, 41 настай Спирс нар 2021 оны есдүгээр сард сүй тавьж, 2022 оны зургаадугаар сард гэрлэж байсан юм.
Тэдний ороо бусгаа хамтын амьдралын талаар Америкийн хэвлэлүүд энэ оны турш мэдээлж байлаа.
Дуучин бүсгүй Лхагва гарагт нөхрөөсөө салах талаар огт ам нээгээгүй, харин Инстаграмын 42 сая дагагчдадаа “удахгүй морь худалдаж авах” тухай л дуулгасан байв.
Иран гаралтай АНУ-ын иргэн Сэм Асгати нь жүжигчин, модель, фитнесийн багш бөгөөд 2016 онд “Slumber Party” дууны видео зураг авалтын үеэр анх Спирстэй танилцаж байжээ.
Спирсийн аавынхаа хараа хяналтаас гарах тэмцлийн үеэр Асгати гол үүрэг гүйцэтгэж байв.
Хэрвээ Асгатигаас салбал энэ нь Бритни Спирсийн гурав дахь бүтэлгүй гэрлэлт болох юм.
2004 онд тэр багын найз Жэсон Александертай ердөө 55 цагийн хугацаанд гэрлээд салж байв.
Дараа нь Спирс 2004-аас 2007 оны хооронд рэппер Кэвин Федерлайнтай хамт амьдраад салж байжээ. Федерлайн салсныхаа дараа өөрийн хоёр хүүхдийн асран халамжлах эрхийг дангаараа авсан юм.
Эх сурвалж: BBC
