Хэдхэн минутын өмнө Чандраяан-3 хөлөг сарны өмнөд туйлын орчимд Викрам судалгааны станцаа буулгаж чадлаа.
Ингэснээр сарны сүүдэртэй хэсэгт станцаа буулгасан дэлхийн анхны улс Энэтхэг болж байна.
Мөн саранд хүрсэн дэлхийн дөрөв дэх улс болж АНУ, ЗХУ, Хятадын дараа түүхэнд бичигдэж байгаа юм.
Өмнөх гурван улс бүгд сарны экваторын бүслүүрийн орчимд станцаа буулгаж байжээ.
Өмнөд туйлд хөлдсөн төлөвтэй их хэмжээний ус байж болзошгүй гэж үздэг тул судалгааны маш чухал бүс юм.
Одоо Энэтхэгийн мэргэжилтнүүд саран дээр буусан өөрөө явагч станцаас эхний гэрэл зураг ирэхийг хүлээж байна.
Сарны өмнөд туйлд түрүүлж хүрэх өрсөлдөөн сүүлийн өдрүүдэд Энэтхэг, Орос улсуудын дунд өрнөж байлаа.
Бямба гарагт Оросын Луна-25 хөлөг эцсийн мөчид техникийн доголдлын улмаас сарны гадаргууд унаж сүйрсэн билээ.
Энэтхэгчүүд 2019 онд Чандраяан-2 хөлгөө сар руу илгээсэн нь мөн станцаа буулгаж чадалгүй сүйрч байсан юм.
Эх сурвалж: BBC
