"Автомашингүй өдөр-2023" арга хэмжээг зохион байгуулах талаар Тээврийн цагдаагийн алба (ТЦА)-ны урьдчилан сэргийлэх хэлтсийн ахлах мэргэжилтэн Г.Отгонтамир мэдээлэл хийв.

Тэрбээр "Энэхүү өдрийг жилдээ хоёр удаа буюу намар, хаврын улиралд болдог. Энэ оны зургаадугаар сарын 3-ны өдөр Автомашингүй өдрийг зохион байгуулсан. Тус өдрөөр ТЦА-ны жижүүрийн шуурхай удирдлагын хэлтэст зам тээврийн ослын 142 дуудлага мэдээлэл ирсэн. Энэ нь энгийн үеүдтэй харьцуулахад 40-50%-аар буурсан эерэг үзүүлэлт.

Өмнөх автомашингүй өдрөөр 2-10 насны нийт 12 хүүхэд унадаг дугуйд мөргүүлж гэмтсэн тохиолдол бүртгэгдсэн. Иймд бямба гарагт болох автомашингүй өдрөөр биеийн хүчээр жийх унадаг дугуй болон тавцант тэшүүрээс бусад цахилгаан скүүтер, унадаг дугуй /суррон мотоцикл/ төрлийн хэрэглээг хориглож байгаа" гэв.