Нийслэлийн худалдаа үйлчилгээний хамгийн эрэлттэй 10 үйлчилгээг цахимжууллаа.
Н.УЧРАЛ:
- Нийслэлийн худалдаа үйлчилгээний хамгийн эрэлттэй 10 үйлчилгээг цахимжууллаа. Тодруулбал, Хүнсний дэлгүүр, ресторан, ая тухтай дэлгүүр, мини маркет, баар караокэ, цайны газар, супер маркет, зочид буудал, мухлаг, хүнсний захын зөвшөөрлийг цахимжуулж байна.
- Шилэн ил тод нээлттэй байдал амьдрал дээр биелэлээ олж байна. Хүнд суртал, авлига халахын төлөө хийж байгаа эхний 10 алхам гэж томъёолон хэлэхийг хүсэж байна. Авлигатай тэмцэх хамгийн зөв шийдэл бол технологи юм. Авлига бол нийгмийн хорт хавдар. Энэ хавдрыг нарийн технологи ашиглаж онош тавьдаг шиг авлигыг бууруулахад технологи ашиг зайлшгүй шаардлага үүсэж байна.
- Технологи сайн тал бий. Цайнд ордоггүй, хамаатан садангүй, муухай аашлахгүй, чөлөө авдаггүй, утсаа салгадаггүйгээрээ онцлогтой. Цаашид энэ төрлийн зөвшөөрлийг авахдаа цаасаар авах боломжгүй.
- Одоогоор Emongolia-д 83 байгууллагын 1000 гаруй үйлчилгээ цахимжсан.
- 2022 оны 1 сарын 1-нээс эхлэн нотариатын гэрээг Хур системтэй нэгтгэсэн.
ЯМАР ТӨРЛИЙН ХУДАЛДАА ҮЙЛЧИЛГЭЭ ЭРХЛЭГЧИД ЦАХИМААР ЗӨВШӨӨРӨЛ АВАХ ВЭ?
1. Хүнсний дэлгүүр \Уламжлалт болон өөртөө үйлчлэх
2. Ресторан \ Захиалгат болон нэрийн хоол, ундаа үйлдвэрлэн хэрэгчлэгч амарч хооллох нөхцөлийг дээд зэргээр хангасан
3. Ая тухтай дэлгүүр \Өдөр тутмын хүнс, ахуйн хэрэглээний барааг өөртөө үйлчлэх хэлбэрээр худалдах MNS 5021-1: 2019 стандартын 4.30-т заасан шаардлагыг хангасан түргэн хоолны үйлчилгээний хэсэгтэй дэлгүүр Тайлбар: түргэн хоолны үйлчилгээний хэсгийн талбайн хэмжээ нь худалдааны танхимын талбайн 20%-с хэтрэхгүй байна.
4. Минимаркет /Мini-market/ - Байнгын эрэлттэй хүнсний болон хүнсний бус барааг өөртөө үйлчлэх хэлбэрээр худалдах дэлгүүр.
5. Баар /Караоке/ - үйлчилгээний онцлогоос хамаарсан зориулалтын тавилга, дуу хөгжим, гэрэлтүүлгийн төхөөрөмж, хэрэгсэл бүхий, үйлчилгээний онцлогт тохирсон батлагдсан цэсэд заасан нэр төрлийн халуун, хүйтэн зууш, ундаагаар үйлчлэх хоолны газар.
6. Цайны газар /Нийтийн үйлчилгээний болон байгууллагын дэргэдэх/ - Хэрэглэгчийн эрэлт хэрэгцээ, онцлогт тохируулан стандарт, чанар, тээвэрлэлт, хадгалалтын ариун цэвэр, аюулгүй байдлын шаардлага хангасан түүхий эдээр батлагдсан жор, технологийн дагуу, энгийн хялбар ажилбар бүхий хоол, зууш, халуун, хүйтэн ундааг үйлдвэрлэн үйлчилдэг хоолны газар
7. Супермаркет - Хүнсний болон ахуйн өргөн хэрэглээний барааг төрөлжсөн тасгуудаар өөртөө үйлчлэх хэлбэрээр худалдах дэлгүүр
8. Зочид буудал - Барилга байгууламжийн орох хэсэг, дотоод орчин, ариун цэврийн өрөөнд тусгай хэрэгцээтэй иргэдэд зориулсан тохижилтыг стандартын дагуу хийсэн, шаардлагатай хэрэглэгдэхүүн, тэмдэг, тэмдэглэгээг бий болгосон байх
9. Мухлаг - Хязгаарлагдмал нэр төрлийн хүнсний болон ахуйн жижиг барааг худалдах нэг худалдагчийн ажлын байр бүхий дэлгүүр
10. Хүнсний зах, худалдааны төв - Нэгдсэн удирдлагатай, гэрээний үндсэн дээр түрээсийн талбайгаар бараа, бүтээгдэхүүн худалдах үйл ажиллагаа эрхэлдэг, шаардлагатай тоног төхөөрөмж, багаж хэрэгслээр хангагдсан байр, талбай, мал эмнэлэг, ариун цэврийн итгэмжлэгдсэн лаборатори бүхий цогцолбор байгууламж.
ЦАХИМААР ЯМАР ХУГАЦААНД ЗӨВШӨӨРӨЛ АВАХ ВЭ?
ҮЙЛЧИЛГЭЭ ҮЗҮҮЛЭХ ХОНОГ: Ажлын 30 хоног
ҮЙЛЧИЛГЭЭНИЙ ТӨЛБӨР ХУРААМЖ: Төлбөргүй
ҮЙЛЧИЛГЭЭ АВАХ ЭТГЭЭД: Иргэн, Байгууллага
ҮЙЛ АЖИЛЛАГАА ЭРХЛЭХ ХУГАЦАА, СУНГАЛТ, ЦУЦЛАЛТ:
