УИХ-ын гишүүн, Боловсрол, Шинжлэх Ухааны Сайд Л.Энх-Амгалан сэтгүүлчдийн асуултанд хариуллаа.
Энэ үеэрээ тэрээр: "Монголын багш нарын болон шинжлэх ухааны үйлдвэрчдийн холбоотой л бид нар хэлэлцээрт орох хуулийн зохицуулалттай. Түүнээс бус ямар нэг хууль бус байгууллага гарч ирж хууль бус шаардлага тавьж болохгүй. Хүн бүр хуулийн дор амьдрах ёстой. Уг нь зорилго зөв, гэхдээ арга нь буруу байна. Хууль бус ажил хаялт зарлавал хууль хяналтын байгууллагад хандахаас өөр замгүй. Уг нь болдогсон бол үх төрийн албан хаагчийн цалинг 1000 доллар болгох юмсан гэдэг хүсэл хүн бүхэнд л байгаа гэж ойлгож байгаа шүү дээ. Монгол Улсын төсөв өөрөө 19 их наяд төгрөг. Нийт цалингийн зардал нь 5.1 их наяд. 5.1 их наядаас боловсролын салбарын 98 мянга орчим ажилтнуудын зардал 1.7 их наяд байдаг. Энэ жил дахиад цалин нэмэгдэж байгаа. 2024 оны төсвөөр төрийн албан хаагчдын цалинг 10 хувиар нэмнэ. Цалин хөлсний бодлого Засгийн Газрын нэг цонхны бодлогоор явна. Аль нэг салбарын сайд нэмэхгүй. Гүйцэтгэлийн үнэлгээнээс нэг ч алхам ухрахгүй." гэв.
С.Сарнай
Sonin.mn
