Энэ сарын эхээр Бельгийн нийслэл Брюссель хотод BusWorld Europe 2023 үзэсгэлэн худалдаа зохион байгуулагдаж буй талаар бид өмнө нь мэдээлсэн.
Худалдан авагчид, үйлдвэрлэгчдийг холбодог энэхүү томоохон арга хэмжээнд автобус үйлдвэрлэлийн салбарт ажилладаг 500 гаруй байгууллага оролцсон байна.
Үзэсгэлэнгийн төгсгөлд шилдгүүдээ тодруулжээ.
Шагнал нь дотроо ердийн автобус, алсын аяллын автобус гэсэн хоёр ангилалтай юм байна.
Ердийн автобусны шилдгийн шилдэг шагналыг Германы Mercedes-Benz eCitaro автобус хүртсэн бол алсын аяллын автобусны шилдгийн шилдэг шагналыг мөн Mercedes группийн эзэмшдэг үйлдвэрийн Setra S 516 HDH бүтээгдэхүүн хүртжээ.
Ердийн автобусны ангиллын бусад шагналтнуудыг дурдвал:
- Comfort (Тав тух) шагналыг Mercedes-Benz eCitaro
- Design (Загвар) шагналыг VDL Bus & Coach Citea New Generation
- Ecology (Экологи) шагналыг Ebusco 3.0 12m
- Safety (Аюулгүй байдал) шагналыг Anadolu Isuzu Citivolt 12m загварууд тус тус хүртсэн байна.
Алсын аяллын автобусны тусгай шагналуудыг:
- Comfort шагналыг Setra S 516 HDH, Van Hool T16 Astron
- Design шагналыг Yutong T15 E
- Ecology шагналыг Yutong T15 E
- Safety шагналыг Setra S 516 HDH загварууд тус тус хүртжээ.
BusWorld үзэсгэлэнгийн дараагийн арга хэмжээ BusWorld South East Asia нэртэйгээр ирэх оны тавдугаар сард Индонезын нийслэл Жакарта хотод зохион байгуулагдах юм байна.
Эх сурвалж: BusWorld Europe
