"Tsingtao" шар айргийн үйлдвэрийн ажилтан тус шар айргийн найрлагад ордог нэгэн бүтээгдэхүүний нөөцийн сав руу бие засч байгаа бичлэг олон нийтийн сүлжээнд цацагдсан.
Пүрэв гарагт бичлэг цацагдсан даруйд дэлхий даяар олон арван сая хүн үзсэн бөгөөд үйлдвэрийн зүгээс цагдаад хандан зарим хэсгүүдээ битүүмжилсэн гэдэг мэдээлэл өгөөд байсан юм. "Цинтао" бол Хятадын шилдэг шар айраг үйлдвэрлэгчдийн нэг бөгөөд хамгийн том экспортлогч нь.
Бичлэгт “Цинтао шар айраг №3 үйлдвэр” гэсэн шошго харагдсан тухай орон нутгийн “ The paper” сонин бичсэн бол “National Business Daily" сонин дотоод эх сурвалжийн мэдээллээр видеог авсан болон тэнд гарч байгаа хүн нь компанийн ажилчид биш байсан хэмээн мэдээлэв. Тус үйлдвэр байрлах Пиндү хотын зах зээлийн хяналтын товчооноос бичлэг цацагдсан даруйд тусгай баг байгуулан үйлдвэрийг битүүмжилсэн гэв.
Тэгвэл өчигдөр буюу даваа гарагийн өглөө Шанхайн хөрөнгийн бирж нээгдэхэд “Цинтао” шар айргийг үйлдвэрлэдэг “Tsingtao Brewery” компанийн хувьцаа огцом унасан бөгөөд үдээс хойш хувьцааны үнэ харьцангуй тогтворжсон байна.
Эх сурвалж: Toim.mn