Филиппин улсын Манилла хотод 10 дугаар сарын 28-29-нд болсон Ой тогтоолтын Ази тивийн аварга шалгаруулах нээлттэй тэмцээнд Монгол Улсыг төлөөлөн Монголын Оюун ухааны академийн 16 тамирчин боломжит 70 медалиас 22 алт, 14 мөнгө, 18 хүрэл буюу нийт 54 медаль хүртэн багаараа үнэмлэхүй ялалт байгуулжээ.
Уг тэмцээнд Монголын баг тамирчид Олон улсын шүүгч, дасгалжуулагч Б.Баасандорж, Ө.Сэнгэсамдан нарын хамт амжилттай оролцон БНХАУ, Филиппин, Индонези, Австрали зэрэг 7 орны 82 шилдэг тамирчин өрсөлдсөн байна.
Багийн төрөлд Монгол Улсын баг тамирчид 19711 оноо цуглуулан “Аварга баг” болсон бол ганцаарчилсан төрөлд 10 төрлийн дараах нийлбэр оноогоор 2022 оны Өсвөрийн дэлхийн аварга, Их мастер Ц.Оюун-Эрдэнэ 7198 оноогоор тэргүүлж аварга болжээ.
Манай тамирчдын тогтоосон дэлхийн таван рекорд:
1. Олон улсын мастер Г.Мянганбаяр -“Зураг”-507
2. Б.Анужин -“Зураг”- 450 /өсвөр/
3. Их мастер Ц.Оюун-Эрдэнэ -“Хоёртын тоолол”- 5049 (өсвөр)
4. Олон улсын мастер Ц.Номин-Эрдэнэ -“Баганан үгс” - 299 /өсвөр/
5. Олон улсын мастер Э.Үүрийнцолмон -“Тооны марафон”-1780 /өсвөр/
М.Амуусайхан
Sonin.mn