Дуучин Бейонсегийн амьдарч байсан Эдгартаун арлын Мартас-Винъярд
АНУ-ын Массачусетс мужид нэгэн цагт дуучин Мэрайя Кэри, Бейонсе нарын амьдарч байсан харшийг худалдахаар болжээ. Энэ байшин 13.75 сая доллараар үнэлэгдсэн байна. Гэхдээ энэ бол дэлхийн хамгийн үнэтэй үл хөдлөх хөрөнгө хараахан биш юм.
Бейонсегийн нөхрийн зохиосон дуунд нэрлэгдсэн "Марта-гийн усан үзмийн талбай"
Худалдах байшин нь Мартас-Винъярд /Гурван сарын усан үзэм/арлын Эдгартаун амралтын хотхонд байрладаг.
Америкийн нийгмийн нэр нөлөө бүхий олон хүн энэ нам гүм, үзэсгэлэнтэй газрыг сонгосон. Харшийн эзний нэрийг зарлаагүй байна. Харин үл хөдлөх хөрөнгийн зуучлагчид алдартай түрээслэгчдийн нэрийг нуудаггүй. Дашрамд дурдахад, Бейонсегийн нөхөр реппер Жэй Зи 2002 онд зохиосон дуундаа "Мартагийн усан үзмийн талбай"-г нэрлэсэн нь бий.
Бараг 900 акр талбай дээр 900 хавтгай дөрвөлжин метр талбай бүхий харш байдаг. Тус байшин нь долоон унтлагын өрөө, угаалгын 10 өрөө, панорамик цонх, камин зуухтай. Тус үл хөдлөх хөрөнгөд зочны байшин, загварлаг сүүдрэвч, усан сан, саун бүхий биеийн тамирын заал, массажны өрөө байдаг.
Обамагийн зуслангийн байшин
Эдгартаун дахь Обамагийн зуслангийн байшин
Эдгартаун дахь дээрх газраас цөөрмийн яг эсрэг талд АНУ-ын Ерөнхийлөгч асан Барак Обамагийн фациенда /эдлэн газар/ 11.7 га талбайд үргэлжилдэг. Тэрээр мөн эндхийн тав тухын үнэнч шүтэн бишрэгч юм. 2019 онд Барак болон түүний эхнэр Мишель нар өөрсдийн "бяцхан" байшингаа 11.75 сая доллараар худалдаж авчээ. Түүний харш нь бараг 650 хавтгай дөрвөлжин метр талбайтай, унтлагын долоон өрөө, угаалгын найман өрөө, гал тогоо, бильярдын ширээ бүхий зочны өрөө, хурлын өрөө болон трасстай. Мөн усан сантай бөгөөд өөрийн гэсэн наран шарлагын газартай. Обама 2021 онд 60 насныхаа төрсөн өдрийг энэ зусландаа тэмдэглэжээ. Тухайн үед түүний хөрш байсан Бейонсе ч түүнд баяр хүргэхээр ирж байв.
Билл Гейтсийн араас нь "хөгжим урсдаг" байшин
Тэрбумтан Билл Гейтсийн Вашингтон нууран дундах зуслангийн байшинг "Занаду 2.0" гэж нэрлэдэг бөгөөд 200 гаруй акр талбайг эзэлдэг. Энд байх дөрвөн давхар харшийг барихад 125 сая доллар зарцуулсан гэж мэргэжилтнүүд тооцоолжээ. Энэ байшин найман унтлагын өрөөтэй. Акустик систем нь эзэн нэг өрөөнөөс нөгөө өрөө рүү шилжих эсвэл усан санд сэлэх үед хөгжим "араас нь урсдаг" байдлаар бүтээгдсэн. Наран шарлагын газрын элсийг Карибын тэнгисийн Сент Люсиа арлаас авчирчээ.
Хоосон үүр
Жүжигчин Анжелина Жоли, Брэд Питт нар 2016 онд салсан ч Прованс дахь "Шато Миравал" шилтгээний талаарх шүүх хурал үргэлжилсээр байна. Энэ бол 2000-аад оны сүүлээр 67 сая доллараар худалдаж авсан бүхэл бүтэн дарсны үйлдвэр бүхий эдлэн юм. 400 га талбайд байгалийн нөөц газар байгуулсан бөгөөд энд ой мод, чидуны төгөл, усан үзмийн талбай, цөөрөм бүгд бий.
Мөн энэ нутаг дэвсгэр дээр 17-р зууны үеийн барилгууд хадгалагдан үлдсэн байдаг. Тус байшин нь 35 унтлагын өрөө, хүлээн авалтын танхим, спа төв, хоёр спорт заал, хоёр усан бассейн, кино театр, нисдэг тэрэгний буудалтай. 2021 онд Жоли үл хөдлөх хөрөнгийнхөө эзэмшил хувийг Оросын тэрбумтан Юрий Шефлерт зарсан. Брэд Питт уг гэрээг хүчингүй болгохын тулд шүүхэд хандад буй.
Ницца ба Монакогийн дундах "тунгаамал"
Францын Ривьера дээр супер өндөр үнэтэй үл хөдлөх хөрөнгө маш олон байдаг. Эдгээрээс жинхэнэ тунгаамал нь бол Ницца ба Монакогийн хооронд байрлах Вилла Леопольда юм. Үүнийг 1902 онд Бельгийн хаан II Леопольд бариулсан. Өнөөдөр шинжээчид түүний үнэ цэнийг 750 сая доллар гэж тооцоолж байна. Виллагийн нийт талбай нь 2690 хавтгай дөрвөлжин метр юм.
Дотроо унтлагын 11 өрөө, угаалгын 14 өрөөтэй. Өөр өөр цаг үед Оросын баячууд Леопольдыг худалдаж авахаар төлөвлөж байв. Тухайлбал, Роман Абрамович болон Михаил Прохоров нар. Гэвч эцэст нь тус ордны эзэн, Ливан гаралтай Бразилийн тэрбумтан Эдмон Сафрагийн бэлэвсэн эхнэр Лили Сафра уран барилгыг Францын язгууртан Марниер-Лапостолле гэр бүлд зарсан юм. Гэсэн ч тэд бас уг объектоо цааш худалджээ.
Дашрамд тодотгоход, Москвагийн тансаг зэрэглэлийн орон сууцны нэг метр квадрат нь 1.9 сая рубль байдаг. Харин хэт үнэтэй үл хөдлөх хөрөнгийн дундаж үнэ 665.7 сая рубль байна.
Эх сурвалж: Toim.mn
