Цаг агаарын 10 хоногийн төлөвийг Цаг уур, орчны шинжилгээний газраас танилцуулаад буй. Төлөвөөс харвал
Хур тунадас:
- 23-нд Халх голын сав газраар
- 24-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр,
- 25-нд Алтай, Хангай, Хөвсгөл, Хэнтийн уулархаг нутгаар,
- 26-нд төв, говь, зүүн аймгуудын нутгийн зарим газраар,
- 27, 28-нд зүүн аймгуудын нутгийн зарим газраар,
- 29-нд Хэнтийн уулархаг нутгаар цас орж, цасан шуурга шуурна.
Салхины хувьд 22, 23, 29-нд говь, тал, хээрийн нутгаар секундэд 15-17 метр хүрч ширүүснэ.
Агаарын температурын хувьд хүйтний эрч чангарч Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -32...-37 градус, өдөртөө -19...-24 градус, Эг-Үүр, Хараа, Ерөө, Орхон, Сэлэнгэ, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -28...-33 градус, өдөртөө -16...-21 градус, говийн бүс нутгийн өмнөд хэсгээр шөнөдөө -14...-19 градус, өдөртөө -4...-9 градус, бусад нутгаар шөнөдөө -23...-28 градус, өдөртөө -11...-16 градус хүйтэн байна.
Харин энэ сарын 25-наас ихэнх нутгаар өдөртөө хүйтний эрч бага зэрэг суларна.
Улаанбаатар хотын хувьд энэ сарын 22, 25-нд цас орж, цасан шуурга шуурна. Бусад хугацаанд цас орохгүй.
