Голомт банкнаас жижиг, дунд бизнес эрхлэгчдийг дэмжих зорилгоор хэрэгжүүлдэг “Менторшип” хөтөлбөрт хамрагдсан байгууллагуудыг цувралаар танилцуулж байгаа бөгөөд энэ удаад Монфүүд ХХК-ийн Мовъёос брэндийг онцолж байна.
Хөтөлбөрийн хүрээнд зөвлөх үйлчилгээний мэргэжилтнүүд тус байгууллагын эрхэм зорилго, ирэх 5 жилийн алсын харааг хамтран тодорхойлж, түүнд тохирсон стратеги төлөвлөгөө, бизнес модель болон үйл ажиллагааны процессыг дахин зураглаж, сайжруулан гаргасан юм. Тодорхойлсон зорилт, төлөвлөгөөнд хүрэхэд тухайн байгууллагын хүний нөөц чухал үүрэгтэй тул ажилтан бүрийн зорилгыг тодорхойлох сургалтыг давхар зохион байгуулж, байгууллагын зорилготой холбож өглөө.
Мөн Мовъёос брэндийн ментороор Bluefin группийн Ерөнхий захирал П.Ганбат ажиллаж, өөрийн мэдлэг туршлагаа харамгүй хуваалцсанаас гадна брэндийн цар хүрээг нэмэгдүүлэх, борлуулалтын сувгийг өргөжүүлэх тал дээр анхаарч ажилласны үр дүнд Мовъёос брэндийн борлуулалтын орлогыг сард 100,000,000₮-өөр нэмэгдүүлж чадсан юм.
“Менторшип” хөтөлбөр нь Монфүүд ХХК-ийн үйл ажиллагааг өргөжүүлж, тогтвортой хөгжих эхлэлийг тавьсан чухал ач холбогдол бүхий төсөл болж чадсан тул зохион байгуулагч Голомт банкны зүгээс уг хөтөлбөрийг энэ жил дахин хэрэгжүүлж, илүү олон бизнес эрхлэгчид, байгууллагуудыг дэмжихээр төлөвлөөд байна.
Мовъёос брэнд нь: 2014 онд үйл ажиллагаагаа явуулж эхэлсэн бөгөөд өдгөө 10,000 гаруй хэрэглэгчтэй, 50 гаруй нэр төрлийн бүтээгдэхүүнийг үйлдвэрлэж, зах зээлд нийлүүлж байна. Тус брэнд нь хүнсний нэмэлт бодисгүй, үр тариа голлосон, эрүүл мэндэд ач тустай, эко бүтээгдэхүүнийг Монгол орны өнцөг булан бүрт түгээгээд зогсохгүй эрүүл өглөөний хоолоор хэрэглэгчдийнхээ амьдралын зөв хэв маягийг дэмжин ажиллаж байна.
