Монголын Үндэсний Бөхийн Холбоо (МҮБХ)-ноос сар бүр Монгол бөхийн өргөөнд зохион байгуулдаг барилдааны хуваарь гарчээ. Энэ сард улс, аймгийн цолтой бөхийн дөрвөн барилдаан бөх сонирхогчдыг хүлээж байна. Тодруулбал энэ сарын 13-нд Шинэ Үндсэн хууль батлагдсаны 31 жилийн ойд зориулсан 128 бөхийн барилдаанаар нээлтээ хийх юм.
НЭГДҮГЭЭР САРД БОЛОХ БАРИЛДААНЫ ХУВААРЬ
Нэгдүгээр сарын 6-нд 11:00 цагаас
Сумын цолтон болон залуу бөхчүүдийн ээлжит барилдаан
Нэгдүгээр сарын 7-нд 11:00 цагаас
Баянхонгор аймгийн Баянбулаг сумын түүхт 100 жилийн ойд зориулсан, тус сумаас төрөн гарсан Монгол Улсын гавьяат дасгалжуулагч, аймгийн арслан Цэдэн-Ишийн Шийрэвийн нэрэмжит аймаг, цэргийн цолтой болон залуу 256 бөхийн барилдаан
Нэгдүгээр сарын 13-нд 13:00 цагаас
Шинэ үндсэн хууль батлагдсаны 31 жилийн ойд зориулсан улс, аймгийн алдар цолтой 128 бөхийн уламжлалт барилдаан
Нэгдүгээр сарын 14-нд 13:00 цагаас
"Талх Чихэр" ХК -ны нэрэмжит “Хэвийн боовны баяр” улс, аймгийн алдар цолтой 128 бөхийн уламжлалт барилдаан
Нэгдүгээр сарын 20-нд 13:00 цагаас
“Жем интэрнэшнл” группийн 24 жилийн ойд зориулсан Улсын харцага цолд хүндэтгэл үзүүлэх улс, аймгийн алдар цолтой 128 бөхийн уламжлалт барилдаан
Эх сурвалж: МОНГОЛЫН ҮНДЭСНИЙ БӨХИЙН ХОЛБОО
