Цагаан сарын баярын өдөр буюу XVII жарны "Хилэнт эх" хэмээх модон луу жилийн шинийн 1-ний өдөр хоёрдугаар сарын 10-нд тохионо. Харин энэ жилийн цагаан сарын битүүн байхгүй тасарсан гэх мэдээлэл цахим сүлжээнд тархсан байна.
Энэ талаар "Түвдэнпэлжээлин” хийдийн хамба лам Ж.Гончигсүрэн тайлбарлахдаа "Энэ жилийн цагаан сарын баярын битүүний өдөр тасарсан гэх мэдээлэл үнэн. Гэхдээ энэ жил аргын тооллын хоёрдугаар сарын 9-н буюу хуучны 29-нд сүм хийдүүд битүүний өдрийн хурал номоо хурна. Ард иргэд тэр өдөр битүүлэг хийх зан үйлээ хийж болно" гэв.
