Аравдугаар сард АНУ сүүлийн нэг жил хагасын хугацаанд анх удаа ОХУ-аас газрын тос импортолсон бол арваннэгдүгээр сард хоёр дахь худалдан авалтаа хийсэн байна. Энэ тухай Америкийн статистикийн албаны мэдээлэлд дурдагджээ.
Сануулахад, 2022 оны 3-р сард АНУ-ын эрх баригчид хориг арга хэмжээг чангатгах хүрээнд Оросын газрын тос болон бусад эрчим хүчний нөөцийг импортлохыг хориглосон юм. Америкийн компаниуд шатахууны сүүлчийн багцыг 2022 оны дөрөвдүгээр сард ОХУ-аас худалдаж авч байв.
Харин 2023 оны аравдугаар сард АНУ 36.8 мянган баррель оросын нефтийг худалдан авсан бөгөөд нийт импортын хэмжээ 2.7 сая ам.доллар болсон байна. Арваннэгдүгээр сард худалдан авалтын хэмжээ буурч, 9.9 мянган баррель болжээ. Энэ нь 750 мянган доллараар үнэлэгдэж байна.
ОХУ-аас АНУ-ын худалдаж авсан нэг баррель нефтийн үнэ аравдугаар сард 74 ам.доллар, сарын дараа 76 ам.долларын үнэтэй байжээ. Энэ нь хоригийн хүрээнд Оросын нефтийн баррель тутамд тогтоосон үнийн дээд хязгаар 60 ам.доллараас хамаагүй өндөр байгаа юм.
Чех, Словак улсууд ОХУ-аас газрын тосны нийлүүлэлтээ үргэлжлүүлэх хүсэлтээ Брюссельд гаргасан тухай "Транснефть"-ийн ерөнхийлөгч Николай Токарев дурджээ.
Эх сурвалж: Vm.ru
