АНУ, Их Британийн цэргүүд Йеменд 73 удаа цохилт өгчээ. Энэ тухай 1-р сарын 12-ны баасан гарагт Ансар Аллах хөдөлгөөний (хусит) зэвсэгт хүчний төлөөлөгч Яхья Сариа мэдэгдэв.
"Америк, Британи Газын зурвас дахь Израилийн гэмт хэргийг дэмжсэнийхээ нэг хэсэг болгон, Бүгд Найрамдах Йемен улсын эсрэг харгис түрэмгийллийг эхлүүлж, нийслэл Сана болон Ходейда, Таиз, Хажжа, Саада мужуудад 73 удаа цохилт өгсөн" гэж тэр X нийгмийн сүлжээнд бичжээ.
Их хэмжээний цохилдтын улмаас хөдөлгөөний таван дайчин амь үрэгдэж, зургаан хүн шархадсан гэж Сариа дүгнэв.
АНУ, Их Британи Йемений хойд нутагт эрх баригч "Ансар Аллах" хөдөлгөөний эсрэг цэргийн ажиллагаа явуулж эхэлжээ. Эдгээр цохилтын бай нь тус хөдөлгөөний радарын систем, нисгэгчгүй онгоц, баллистик болон далавчит пуужинг хадгалах, хөөргөх цэгүүд байв.
АНУ-ын Ерөнхийлөгч Жо Байден нэгдүгээр сарын 9-нд Йемен дэх хуситуудын байрлалд цохилт өгөх тушаал өгсөн. Тэрээр Улаан тэнгист Америкийн хөлөг онгоц руу халдсаны хариуд ийм шийдвэр гаргажээ. Энэ тухай АНУ-ын засаг захиргааны нэрээ нууцалсан өндөр албан тушаалтан мэдээлсэн байна.
CNN агентлагийн мэдээлснээр, Йеменд цохилт өгөхөд Улаан тэнгист байрладаг Охайо ангиллын цөмийн шумбагч Флорида хөлөг оролцсон байна. Тус хөлгөөс америкчууд “Томагавк” далавчит пуужингуудыг хөөргөсөн юм.
Хэрэг явдалтай холбоотойгоор Хутистууд АНУ, Их Британийг үүнийхээ хариуг өндөр үнээр төлөх болно хэмээн сүрдүүлж улмаар АНУ, Их Британийн цэргийн бааз, байгууламж руу халдлага үйлдсэн. Энэ тухай тус хөдөлгөөний төлөөлөгч Йемений зэвсэгт хүчин одоогоор Улаан тэнгис дэх Америк, Британийн байлдааны хөлөг онгоцуудад эрс шийдэмгий хариу арга хэмжээ авч байна гэжээ.
АНУ-ын армийн бэлтгэл дэд хурандаа Дэниел Дэвис Байден Йеменд цохилт өгөх шийдвэр гаргаснаар улс орныг дайнд татан оруулж байна гэж мэдэгджээ.
Болсон хэрэг явдалтай холбоотойгоор НҮБ-ын Аюулгүйн зөвлөлийн хуралдахаар болжээ.
Эх сурвалж: Vm.ru