Тайваний сөрөг хүчин өнгөрсөн бямба гаригт болсон ерөнхийлөгчийн сонгуульд ялагдсанаа хүлээн зөвшөөрөв. Санал тоолох ажил үргэлжилж байгаа ч өрсөлдөөний гол төлөөлөгч, эрх баригч намаас нэр дэвшигч Уильям Лай /Лай Циндэ/ бусдаасаа илт давуу санал авсан нь тодорхой болоод байна.

Уильям Лайг дэмжигч олон зуун хүн Ардчилсан дэвшилт намын төв байранд цугларч, ялалтын баяраа тэмдэглэж байна. Лай дэмжигчиддээ хандан ялалтын үг хэлэв.

“Баярлалаа, Тайванийн ард түмэн. Бид түүх бүтээв. Дэлхий биднийг ажигласаар байх болно” гээд Шинэ ерөнхийлөгч илтгэлээ “Тайвань, урагшаа” гэсэн үгээр төгсгөв.

Эрх баригч намаас нэр дэвшигч 64 настай Уильям Лайг эх газрын Хятадын эрх баригчид салан тусгаарлагч гэж нэрлэдэг. Тэрээр арлын эдийн засгийн Бээжингээс хараат байдлыг бууруулж, АНУ-тай ойртохыг илүү дэмжигч нэгэн юм.

Харин түүний гол өрсөлдөгч нь сөрөг хүчний Гоминдан намаас нэр дэвшигч Хоу Юй эсрэгээрээ эх газрын Хятадтай ойртохыг дэмждэг.

Уильям Лай ялалт байгуулсан нь Тайваний улс төрийн түүхэнд анх удаа гуравдагч намаас нэр дэвшигч хоёр том намын өрсөлдөгчдийг ялсан тохиолдол болов.

Сонгууль маш өндөр ирцтэй байсан. Санал авах байрууд нээгдээгүй байхад л хүмүүс дугаарлаж эхэлжээ.

Уильям Лай өнгөрөгч тавдугаар сараас Тайванийн дэд ерөнхийлөгчөөр ажиллаж байгаа бөгөөд одоогийн Ерөнхийлөгч Цай Ин Вэний бүрэн эрхийн хугацаа дуусахад л албан тушаалаа авна.

Уильям Лайгийн ялалт Хятад, Тайванийн харилцаанд хэрхэн нөлөөлөх вэ?

Бээжин сүүлийн найман жилийн турш Тайваний одоогийн удирдагч Цай Инвэнийг эрс шүүмжилсээр ирсэн ч Уильям Лай Бээжинтэй үүсээд буй хурцадмал харилцааны хил хязгаарыг Цайгаас ч илүү тэлж магадгүй гэж болгоомжилж байна.

Харин түүнийг дэмжигчид үүний эсрэг байгаа бөгөөд бодит аюул нь Гоминдан гэгддэг Хятадын үндэсний намын ялалт байх байсан гэж үзэж байна. Түүний нэр дэвшигч Хоу И энэ сонгуулиар Лайгийн гол өрсөлдөгч байв. Тэдний үзэж байгаагаар Гоминдан намын үед Хятадын удирдагчид Тайваньтай халуун дотно харилцаатай байхыг зүгээр ч нэг зөвшөөрөхгүй бөгөөд арлыг нэгтгэхийг илүү чухалчлах байсан гэжээ.

Тайвань бол хэд хэдэн шалтгааны улмаас дэлхийд маш чухал байр суурийг эзэлдэг. Цөөн хэдхэн залуу ардчилсан улс л чөлөөт, шударга сонгуулийн төлөө ийм тууштай байгаагаа харуулж байна.

Нэмж дурдахад, Тайваний хагас дамжуулагчийн үйлдвэрлэлд аюул заналхийлэх эсвэл хаагдах юм бол компьютер, утас, автомашин, эмнэлгийн тоног төхөөрөмжийн олон үйлдвэрлэгчид шаардлагатай чипгүй хоцрох болно.

Мөн Тайвань бол Америк, Хятадын харилцаанд саад учруулж буй гол саадуудын нэг юм. Тийм ч учраас олон хүн энэ сонгуулийн үр дүнг амьсгаа даран хүлээж байв. Сонгууль өндөрлөсөн ч эрсдэл маш өндөр хэвээр байна.

Эх сурвалж: ВВС