Залуу дуучин Т.Баярхишиг энэ сарын 25-нд анхны бие даасан "Хэрвээ би" тоглолтоо хийхээр бэлтгэл ажилдаа орсон байгаа билээ. Тэгвэл залуу дуучин бүсгүйг Даваагийн Мөнх-Эрдэнэ дэмжиж, өчигдөр 30 сая төгрөг гардуулан өгчээ.
Энэ үйл явдлыг дуучин бүсгүй гэрчилж, талархал хэмээн өөрийнхөө сэтгэгдлийг цахим сүлжээндээ оруулсан нь Д.Мөнх-Эрдэнийг сайн ахаар өргөмжлөхөд хүргэв үү.
Дуучин бүсгүй " Талархал. "Хэрвээ би" анхны бие даасан тоглолтыг маань дэмжиж Д. Мөнх-Эрдэнэ ах маань UB palace, нэмэлт тайз дэлгэц, хөгжим, түрээсийн зардалд дээр, дэмжлэг үзүүллээ.
Үнэхээр их баярлалаа. Жич: Анх 2019 онд Д.Мөн-Эрдэнэ ахынхаа улс төр нийгмийн ажлыг дэмжин Баянхонгор аймгийн бүх сумдаар тойрч тоглолтоо хийсэн билээ. Ах маань, анхны тоглолтоо хэзээ хийх вэ чи. Ах нь дэмжинэ шүү гээд байдаг байсан, өнөөдөр жинхэнэ surprise барьж чадлаа
Ёстой хийе гэснээ хийж чаддаг, хэлсэн ярьсандаахүрч чаддаг мундаг эр хүн юмаа.
Ахынхаа ажилд амжилт хүсье ээ. Тэмцэл нь үр дүнд хүрнэ ээ. 2024/01/25. 19:00 цагт яг энд товлосон газраа уулзацгаая" гэжээ.
Ийнхүү дуучин бүсгүйн тоглолтод том дэмжлэг үзүүлсэн консул асан, тэмцэгч Д.Мөнх-Эрдэнэ хорих ангид багагүй хугацаанд хоригдож байгаад оны өмнөхөн суллагдсан билээ. Тэрбээр энэ 2024 оны сонгуульд бие дааж нэр дэвших эрхтэй хэдий ч нэр дэвших эрхийг нь шүүхээр хязгаарласан гэх мэдээлэл бас байгаа юм.
