Дархан-Уул аймгийн Цагдаагийн газарт нэгэн иргэнээс талархал иржээ. Талархалд хоёр хүүхдийн амь насыг авран хамгаалсан цагдаад маш их баярлалаа гэж бичсэн байна.
Тодруулбал, энэ сарын 09-ний өглөө ажилдаа явахдаа 8-14 насны хоёр хүүхдийг гаднаас нь цоожлоод явсан. Ажил руу орох гэж байтал хүүхэд надруу залгаад ааваа байшин шатаад байна бид хоёр үүдний өрөөнд байна гэхээр нь би хажууд байсан цагдаа руу хэлэхэд аймгийн цагдаагийн газрын хэсгийн байцаагч, цагдаагийн ахмад Б.Амарсанаа өөрийнхөө хувийн машинд намайг суулгаж авч яваад манай гэрт шуурхай ирж байшингийн хаалгыг хурдан онгойлгож хоёр хүүхдийн минь амийг шатаж байсан байшингаас аварч, галыг унтраахад тусалсан юм. Цагдаад маш их баярлалаа, цаашдынх нь ажилд өндөр амжилт хүсье гэж хүүхдүүдийн аав талархлаа илэрхийлсэн байна.