Өнгөрсөн 2020 онд БНСУ-д бүлэг хүмүүсийн гарт зодуулж амиа алдсан дүүгийнхээ хэргийн талаар хөөцөлдөж, учир шалтгаан үнэн мөнийг нь олж тогтоохоор явсан иргэн А.Болормаа зуурдаар амиа алдсан харамсалтай хэрэг гарчээ. Урьдчилсан байдлаар талийгаачийн зүрх зогссон гэдгийг ар гэрийнхэн нь хэлж байна.
Тэрээр төрсөн Д-гээ бусдын гарт алуулсан. Хэрэг нь шийдэгдэхгүй байна, энэ хэрэгт бүлэг нөхөд хамаатай байх магадлалтай хэмээн хэвлэлийн бага хурал хийж байсан юм. Мөн хэргийг БНСУ-ын цагдаагийн байгууллага шалгахгүй байгаад үнэхээр гомдолтой хүчин мөхөсдөж байна хэмээн ярьж байсан бүсгүй амиа алджээ.
Дүү нь БНСУ-д сураггүй болоод 20 хоногийн дараа гэртээ нас барсан байдалтай цогцос нь олдсон байдаг. Дүүгээ нас барсныг сонсоод өмгөөлөгчид хандахад задлан шинжилгээ хийлгэж болохгүй гэж зөвлөж байсан ч аль хэдийнэ ар гэрийн зөвшөөрөлгүйгээр задлан шинжилгээ хийсэн байсан. Талийгаач нас бараад 20 гаруй хоносны дараа цогцсыг нь амьдарч байсан өрөөнөөс нь олсон ба цогцосны зургийг явуулсан ч дүүгээ гэж таних боломжгүй байгаа тул мөн эсэхэд нь эргэлзэж байгаа гэдгээ ярьж байсан удаатай.
