УИХ-ын 2023 оны намрын чуулган энэ баасан гарагт завсарлана. Тиймээс өнөөдөр чуулган хуралдаж байгаа юм.
УИХ-ын гишүүн О.Цогтгэрэл: Гадаадын хөрөнгө оруулалтын асар чухал асуудал явсаар байгаад хоёр хүний хэрүүлийн асуудал болж хувирч байгаад харамсалтай байна. Хамгийн чухал асуудал дээрээ ийм их цаг хугацаа алдаж байж, УИХ-ын танхимд зөвшилцлийн журмаар ярилцах ёстой асуудал. Тиймээс хууль санаачлагч Засгийн газраас яаралтай горимоор эргүүлэн татаж аваад ард иргэдийн дургүйцээд байгаа болон бодлогын алдаатай зүйлсээ засч залруулах шаардлагатай.
УИХ-ын дарга Г.Занданшатар: Хөрөнгө оруулалтын хуулийн төслийн хувьд О.Цогтгэрэл гишүүний хэлж байгаа зөв. Хоёр хүний хэрүүл болж таарахгүй. Женко хэмээх Х.Баттулга ч, УИХ-ын гишүүн Ч.Хүрэлбаатар сайд ч нийгмийг талцуулахаа больсон нь дээр. Хэдэн троллоороо гишүүдийг шантаачилж байгаад хууль батлуулж эсвэл зогсооно гэж байхгүй. Нэг талаас Цэцэд өгөөд хэлэлцүүлье гээд байдаг нөгөө талаас 6 сар барилаа гэдэг. Бид асуудалд эрүүл саруулаад хандаж, улс орны үндэсний язгуур эрх ашгийг эрхэмлэн дээдэлнэ гэдгийг хатуу анхааруулья. Энэ цэцэд өгнө гээд байгаа нөхөд 2013 онд 100 жилээр эзэмшүүлнэ гэж баталчихаад одоо ямар юмаараа цэц энэ тэр гэж гүйгээд байгаа юм. Ард түмнийг талцуулдаг, төөрөгдүүлдгээ болимоор юм.