Иргэдэд олгох 1072 хувьцааны ногдол ашгийг цагаан сараас өмнө тараах тухай асуудал яригдаж байгаа билээ. Тэгвэл тухай "Эрдэнэс Тавантолгой" ХК-ийн бүрэн эрхэт төлөөлөгч Ж.Ганбат сэтгүүлчдэд тайлбар өгчээ.
Тэрбээр,"Гуравдугаар улирлын байдлаар "Эрдэнэс Тавантолгой" 3,2 их наядын ашигтай ажилласан байна. Ер нь төрийн байна уу хувийн байна уу ялгаагүй компани ашигтай ажилласан бол ногдол ашиг тараадаг, ямар нэгэн улс төрийн зорилгоор биш. Ийм зүйлийг л хэвшүүлэх гэж байгаа юм. Хоёрдугаар сард тайлан гарна. Жилийн эцсийн тайлан хэр гарах нь уу. 2022 оны ногдол ашиг 120 гаруй мянган төгрөг олгохоор байна. Гэхдээ энэ бол эцсийн тооцоолол биш. Гишүүд ямар тоог үндэслэж яриад байгааг бид мэдэхгүй. Бидний тооцооллоор бол 120 гаруй мянган төгрөг. ЭТТ одоогоор 2 их наядын өртэй байгаа, нэмээд төслүүд санхүүжүүлэх асуудал яригдаж байгаа. 2023 оны ногдол ашиг бол дөрөвдүгээр сард яригдана. Одоо бол тайлангаа гаргаагүй байна" гэлээ.
