УИХ-аас байгуулагдсан Нүүрсний гэх хэргийг хянан шалгах түр хорооноос өчигдөр УИХ-д тайлангаа тавьсан. Энэ үеэр гишүүд Түр хорооны дарга Б.Энхбаяраас асуулт асууж, хариулт авсан юм.
Ш.Адьшаа: Б.Энхбаяраа, хатуухан хэлэхэд энэ сонсгол бол өөрсдийнхөө өрсөлдөгчдийг, сөрөг хүчнээ намнах үйл ажиллагаа болсон шүү гэдгийг би хэлье. Цаг хугацаа харуулна аа.
Б.Энхбаяр: Цаг хугацаагаар олон юм тодорхой болсон. Тухайлбал, Н.Алтанхуягийг хамааруулж, Дэнзэнгийнх гэх олон тэрбумын НАБТ-ын асуудал бол анх Адьшаа гишүүнтэй холбоотой байсан. Адьшаа гишүүн НАБТ-ын талбайгаа авч чадалгүй алдсандаа хорсоод холбогдох мэдээллийг тухайн үеийн сөрөг хүчин МАН-ынханд дамжуулж, тэднээр Дэнзэнг хусуулж, Я.Батсуурийг хонгилоор чирүүлсэн түүхтэй хүн юм билээ. Энэ түр хороог анх байгуулах болсон учир нь нүүрстэй холбоотой асуудал дээр нэлээн монополь болъё гэдэг байдлаар шантааж хэлбэрээр анх санаачлан байгуулж байгаад мэх мэхэндээ гэгч болсон хүн юм билээ.
