ДОХА, 2024 оны нэгдүгээр сарын 18 /Xinhua/. Катар, Францын зуучлалын дагуу барьцаанд байгаа израилчууд, энгийн иргэдэд зориулсан эм тариа болон хүмүүнлэгийн бусад тусламжийг Газын зурвас руу лхагва гарагт нэвтрүүлсэн тухай Катарын Гадаад хэргийн яамны хэвлэлийн төлөөлөгч Мажед Аль-Ансари мэдэгдэв.
“Газын зурвас дахь энгийн иргэд, түүний дотор барьцаанд байгаа хүмүүст тус дэм болохын тулд өчигдөр (мягмар гарагт) зарласан гэрээний хэрэгжилтийн хүрээнд тус зурвас руу сүүлийн хэдэн цагийн дотор эм тариа болон (бусад) тусламжийг нэвтрүүллээ” гэж яамны хэвлэлийн төлөөлөгч X /хуучнаар Twitter / олон нийтийн сүлжээгээр мэдээлжээ.
Катар улс нь бүс нутгийн болон олон улсын түншүүдийн хамт улс төр, хүмүүнлэгийн түвшинд зуучлах хүчин чармайлтаа үргэлжлүүлж байгааг М.Аль-Ансари онцлон тэмдэглэсэн байна. Мөн мягмар гаргийн өглөө тус яамны X сувагт, эм, хүнс зэрэг Катар, Франц улсаас үзүүлсэн 61 тонн тусламжийг ачсан Катарын Зэвсэгт хүчний хоёр нисэх онгоц Газын зурвастай хиллэдэг Египетийн Аль-Ариш хотод ирснийг мэдээлжээ.
Э.Хулан
Эх сурвалж: "Монцамэ" агентлаг
